Ezekiel 26:3 - Bible Ni Thothup

³ “Ere chiney, e ba’aray e n’en ni Gag SOMOL ni Th’abi Tolang e gu be yog: I gag e to’ogor rom, gur fare binaw nu Tyre. Bay gu fek bo’or e nam i yib nge cham ngom, ni bay rabad ni bod e n’ew u maday.

Ezekiel 26:3 Referans Kwoze

Jeremiah 51:42

Pi to’ogor rok yu Babylon e bay ra puw gad ngarbad ni gawa n’ew ni nge tharay fare binaw.

Isaiah 5:30

Ra taw ko rofen nem, ma yad ra tolul nga daken yu Israel ni bod feni ga’ lingan e day. Mu changar ko re nam ney! Ke lumor nike gafgow! Tamilang riy e dakriy nike ful’ e lumor.

Mikah 4:11

Pire’ e nam ni kar mu’ulung gad ni ngar cham gad ngomed. Be lungurad, “Thingar ni thirif yu Jerusalem u but’! Bay da guyed nike mogothgoth!”

Luke 21:25

“Ma bay e pow ni bayi m’ug u mit e yal’, ngu mit e pul, ngu mit e pi t’uf. Ma pi nam nu roy u fayleng e bay ra pired ndakur nanged e n’en ni ngar rin’ed, ya kar rusgad nga lingan e day ni be pil nge day nib gel nike yib.

Zekariah 14:2

I SOMOL e bayi kunuy e pi nam nga ta’bang ni ngar m’aged e mael nga Jerusalem. Yira kol fare binaw, min giliw nag urngin e chugum ko pi naun, min mod yargal ko ppin ngan kolrad u gelngiy. Ma baley u gathon fare binaw e bay ni fekrad ni kalbus nga wuru’ e nam, machane pi’in yad ra magey e dab kun nchuwegrad u lan fare binaw.

Nahum 2:12

Fare layon e li’ k’on nge popof nge yochyang ni fan ngak le’engin nge pifak; me suguy tafen ko ufin nike popof.

Ezekiel 38:3

ngamog ngak ni Gag SOMOL ni Th’abi Tolang, e gag e to’ogor rok.

Ezekiel 28:22

Mog ko girdi’ u rom ko mang e gu be yog I Gag SOMOL ni Th’abi Tolang u murung’agrad: Sidon, I gag e to’ogor rom; girdi’ e bay roged e sorok ngog ni bochan e tin kug rin’ ngom. Bay ra nanged ni Gag SOMOL, u nap’an ni gu ra dag fanag thothup ko gechig ni gu ra tay ngak e pi’in yad ma par rom.

Ezekiel 27:26

Nap’an nra fekem e pi’in yad ma mamaniyem nga feth, me cham e nifeng ko ngek nge bilig e barkow rom u rom nib palog ko binaw.

Ezekiel 21:3

ni Gag SOMOL, e gu be ga’ar: I gag e to’ogor romed. Bay gu girengiy e saydon rog nggu thang e pogofan romed ngay ni gimed gubin, ni pi’in ni bfel’ nge pi’in kireb ni ta’reb rogon.

Ezekiel 5:8

Ere I Gag SOMOL ni Th’abi Tolang, e gu be yog ngom ni gag e to’ogor rom. Bay gu pag e gechig nge aw ngom ni gubin e nam mra guy.

Jeremiah 50:42

Kar feked e gat’ing rorad nge saydon, yad bbuchan’ ni darir rungyed be’. Nap’an ni yad ra yan u daken e pi os rorad, ma ba lingan i n’ew. Kar fal’egned rogorad ni ngar maelgad nga Babylon.

Jeremiah 50:31

“Gimed yu Babylon, ke puw ufmed, ere Gag SOMOL ni Th’abi Tolang ma Gubin ma Rayag Rok e nggu togopluw ngomed! Ke taw nga nap’an rog ni nggu gechig nagmed.

Jeremiah 21:13

Jerusalem i gur e kam par ngalang ko pi loway, ni bod ba war nib tolang ngalang u lan bangi tafel’fel’. Machane bay gu cham nib togopluw ngom. Ga be yog ndariy be’ nrayag ni cham ngom fa yag ni thumur rok e pi tamatnag rom nga barba’.

Jeremiah 6:23

Ka ra feked e gat’ing nge saydon rorad; ri yad ba kireb ma darir runguyed be’. Yad ra yan u daken e pi os rorad, ma be yan lingrad ni bod lingan e regur ni be cham e day riy. Ka ra fal’eged rogorad ni ngar maelgad nga Jerusalem.”

Psalms 107:25

I non, me thow nifngin e yoko’, me sum e n’ew ni ba ga’.

Ezekiel 26:19

I SOMOL ni Th’abi Tolang e be ga’ar: “Bay gu tem ni dakriy e fel’ rom ni bod e binaw nike mogothgoth ni dakriy be’ nma par riy. Bay gu thareyem ko day u t’ay e regur.

Ezekiel 29:10

ma aram e nggu mang to’ogor rom nge to’ogor ko lul’ rom ni Nile. Bay gu tay ga’ngin yu Egypt nge par ndakuriy ban’en u daken, ni tabab ko binaw nu Migdol u lan e lel’och nge mada’ ko binaw nu Aswan u lan e yimuch, nge yan i taw ko mathil u Sudan.

Nahum 3:5

I SOMOL ni Gubin ma Rayag Rok e be ga’ar, “Nineveh i gur e bay gu gechig nigem! Bay gu chuweg gubin ban’en rom ngam par u tamilang mug pag e pi nam ngar guyed gur, u fithik’ gubin e tamra’ rom.

Zekariah 9:4

Machane SOMOL e bay i chuweg gubin e tin bay ko re binaw nem. Bay i n’ag e pi machaf nge falel’ riy ngalan e day, ma fare binaw e bayi mo’oruf nga but’.