Ezekiel 26:2 - Bible Ni Thothup

² Ni ga’ar, “Fak e girdi’, irera’ e n’en ni be felfelan’ e girdi’ nu lan e binaw nu Tyre ngay. Yad be tolul ni be lungrad, ‘Ke puth yu Jerusalem! Dakuriy gelngin ko siyobay! Dakriy e ngiyal’ nra magawon nagdad.’

Ezekiel 26:2 Referans Kwoze

Joel 3:4

“Gimed yu Tyre, nge yu Sidon, nge yu Filistia ni ga’ngin, mang e gimed be guy rogon ni ngam rin’ed ngog? Mogned, gimed be guy rogon ni ngam fulweged taban ban’en ngog? Fa’anra er rogon ni gimed be leamnag, ma bay gu fulweg taban ngomed ni papey!

Ezekiel 36:2

ni Th’abi Tolang e nggog ni fan ngorad: pi to’ogor nu Israel e kar minmin gad u wan’rad ma yad be ga’ar, ‘Fapi burey ni kakrom e tafadad e chiney!’

Ezekiel 25:10

Bay gu pag fapi ganong u ba’ ni ngek e ted ngar koled yu Moab, nib mu’un yu Ammon ngay, ya nge par yu Moab ni gathi ku ir reb e nam.

Ezekiel 25:6

“Ba’aray e n’en ni be yog SOMOL ni Th’abi Tolang: gimed be way ma gimed be og ngalang ko felfelan’. Ni gimed be fananikan e nam nu Israel.

Lamentations 1:1

Yu Jerusalem nike par ni go’ ir, ya immoy bangiyal’ nib sug ko girdi’! Immoy ni ir e ba sorok u fayleng, ma chiney e ke bod be’ ni bpin nike yim’ figirngin; Re nam nib pilung u fithik’ e pi nam e ke mang ba sib.

Jeremiah 49:1

Irera’ e n’en ni yog SOMOL u murung’agen Ammon: “Bu uw fapi pumo’on nu Israel? Dakriy be’ nra ayweg e nam rorad? Mang ni karpaged e girdi’ nma tay fan Molek kar pired ko fa gin tafen e ganong rok Gad?

Jeremiah 47:4

Ke taw ko ngiyal’ ni nge mogothgoth yu Filistia, min thirifrad ngar chuwgad u Tyre ngu Sidon ni dariy bagyad nra magay ni ngki pi’ e ayuw. I Gag SOMOL, e bay gu thang owchen piyu Filistia ni aram gubin e pi’in rabad u dap’el’ay u Krete.

Jeremiah 27:3

Ma aram me yog SOMOL ngog ni nggu pi’ e thin nge yan ko pilung nu Edom, Moab, Ammon, Tyre, ngu Sidon, ni nggog ko pi’in ni mayan ni owchen reb e nam nga reb ni karbad nga Jerusalem ni ngar guyed Zedekiah ni Pilung.

Psalms 83:7

nge girdi’en yu Gebal, Ammon, nge yu Amalek, nge yu Filistia nge yu Tyre.

Psalms 70:3

Mang e yigi gin e pi’in yad be gosgos ngog ma ka ra waergad!

Psalms 40:15

Mange yigi dada’ e pi’in yad be moning nigeg ma kar waergad!

Psalms 35:21

Yad ma t’ar e thin nga dakenag, ngu’ur tolulgad ni yad ma ga’ar, “Kug guyed e n’en ni ka mu rin’!”

2 Samuel 5:11

Hiram ni Pilung nu Tyre e l’oeg e pi tamal’og ngak David; me pi’ yuley i ren ngak David ni cedar fithingan, nge girdi’en e dimow naun, nge pi’in yad manang rogon i ubung e malang ni yima fanay ko naun ni ngar toyed ba tafen e pilung ngak David.

Joshua 19:29

Me cheal fare mathil nge sor nga Ramah, nge yan i taw ko fare binaw ni Tyre ni kan yororiy nib tolang ni fan ko mael; ma aram me chiygog nga Hosah me yan i mus ko fare gi Day ni Mediterranean fithingan. Nib mu’un ngay yu Mahalab, Akzib,

Isaiah 62:10

Gimed e girdi’ nu Jerusalem, marod nga wuru’ e binaw ngam ngongliyed e kanawo’ ni fan ko girdi’ romed ni be sul! Mu falfleged ba kanawo’ nib ga’; magmed chuweg e malang riy! Mi gimed tining e pow riy ngalang ya nge yag ni nge nang e pi nam.

Ezekiel 25:8

I SOMOL ni Th’abi Tolang e ke ga’ar, “Bochan e keyog yu Moab ni yu Judah e ba ta’reb rogon ko gubin e pi nam,

Ezekiel 26:1

Rofen ni som’on ko pul, ko bin ragag nge ta’reb e duw ni gamad ba kalbus, me non SOMOL ngog.

Ezekiel 35:10

“Kamog ni fagal nam, nu Judah ngu Israel nge binaw riy, e bmil fan ngom ni ngam tafnay, ni yug aram rogon ni Gag SOMOL e Got rorad.

Psalms 40:16

Mange yigi felan’ me uf gubin e girdi’ ni karbad ngom. Mange yigi gubin e pi’in yad be og e magaer ngom ni bochan e kam mat’aw nagrad ngom mara ga’ar gad ni gubin ngiyal, “Ke sorok SOMOL!”