Ezekiel 2:3 - Bible Ni Thothup

³ “Fak e girdi’, nggol’oegem ngam man ngak e girdi’ nu Israel ni kar chealgad kar togopluwgad ngog. Ka yad be togopluw ngog, ni bod e n’en ni i rin’ e pi chitamangirad ni kakrom ngog.

Ezekiel 2:3 Referans Kwoze

Jeremiah 3:25

Thingar da thiggad nga but’ u fithik’ e tamra’ nge mang m’ayfan rodad e upnguydad. Gadad nge pi chitamangidad kakrom e gubin ngiyal’ ni u da denengad nib togopluw ngak SOMOL ni Got rodad, ni da ud folgad ko tin ni yog.”

Deuteronomy 9:24

N’umngin nap’an ni kug nangmed, e gimed be par ni gimed be togopluw ngak SOMOL.

Roma 10:15

Mra di’in min machibnag e thin rok ni fa’anra dab nol’oeg e pi’in ngar machib niged e thin rok ngranod ngar machibgad? Ni bod ni be yog e babyor nib thothup ni be ga’ar, “Rib manigil e wub nike tay e pi’in kar feked i yib fare Thin Ni Bfel’!”

Acts 7:51

“Ri gimed ba gelan’! Lanin’med e bod laniyan’ e pi’in ndawor ra nanged Got, ma kam ninged telmed ni nge dab mu rung’aged e thin rok Got nike pi’ ni nganib nog ngomed. Ri gimed bod rogon pi chitamangimed: ku errogon gimed ni kafram i yib ni gubin ngiyal’ ma gimed be togopluw ngak fare Kan Nthothup!

Jeremiah 44:21

“Fapi maligach ni gimed ma pi’ nge pi chitamangimed, nge pi pilung romed nge pi tayugang’ romed, nge girdi’ ko fare nam ni yad ma pi’ ni maligach u lan fa yochi binaw nu Judah ngu lan e yupa’ i kanawo’ u Jerusalem — e gimed be leamnag ni SOMOL e de nang murung’agen fa ke pag talin?

Jeremiah 36:2

“Mu fek e babyor ngam yoloy ngay urngin e pin’en ni kug weliy ngom ni murung’agen yu Israel nge yu Judah, nge urngin e pi nam. Mu yoloy urngin e pin’en ni kug weliy ngom ko th’abi som’on ni gu welthin ngom, nap’an ni Josiah e pilung, nge yib nge mada’ ko chiney.

Jeremiah 1:7

Machane me ga’ar SOMOL ngog, “Dabmog ni kayigi gel fanam bitir, ya ngam man ngak e girdi’ ni bay gu pi’em ngam man ngorad, ma ga weliy ngorad urngin e tin bay gog ngom ni ngam weliy.

Psalms 106:28

Ma aram e girdi’ rok Got e un i tayfan Baal u Peor miyad un i kay e maligach ni kan pi’ ngak e pi got ni yad ba yam’.

Nehemiah 9:26

“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

Ezra 9:7

Ka nap’an e pi ga’ romad nge mada’ ko chiney, ma gamad, ni girdi’ rom, e kug denengad nib tinowey. Bochan e pi denen romad ma aram e ke mul e pilung nge prist romad ngalan pa’ e pi pilung nu boch e nam, ma yibe li’mad ko saydon, ma yibe moro’ro’ romad, ma yibe fekmad ni kalbus nga wuru’ e nam romad. Kari m’ay famad, ni ku er rogmad e daba’.

Deuteronomy 9:27

Mu leamnag e pi tapigpig rom ni er Abraham nge Isak nge Jakob, ngam fek owchem ko gelan’ nge kireb nge denen rok e pi girdi’ ney.

Numbers 20:10

Miyow ulunguy Aron yu Israel ni urngin nga m’on ko fare war, me ga’ar Moses, “Gimed e pi tatogopluw nir, mu telmed! Mogned, gimed be leamnag ni nggu fekew e ran ko re war ney ngam unumed?”

Ezekiel 17:12

“Mu fith e pi tatogopluw ney ko yad manang fan fare fanathin fa dangay? Mog ngorad ni pilung nu Babylon e yib nga Jerusalem nge fek e pilung riy nge pi tayugang’ nga Babylon.

Ezekiel 24:3

Mog ko girdi’ rog nib tatogopluw e re fanathin ni ba’aray, ni Gag SOMOL ni Th’abi Tolang, e gog ni fan ngorad: Mu tay e th’ib’ nga daken e nifiy ma ga suguy ko ran.

Ezekiel 40:4

Me ga’ar ngog, “Fak e girdi’, mu changar. Mu l’eg telim mag fal’eg i guy e tin nggu dag ngom, ya arfan ni kan fekem e ngaray. I gur e ngamog ngak e girdi’ nu Israel urngin e tin ngam guy.”

Amos 7:15

Me fekeg SOMOL ko maruwel rog ni tagafal saf me yog ngog ni nggu wan ngu’ug weliy e thin rok ngak piyu Israel ni yad girdi’en.

2 Kings 17:14

Machane dar folgad; yad ba gelan’ ni bod e pi chitamangirad kakrom, nda i pagan’rad ngak SOMOL ni Got rorad.

2 Kings 17:15

Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.

Isaiah 30:1

I SOMOL e ke ga’ar: “Pi’in yad be gagiyegnag yu Judah e ka ni turguy e gechig nga dakenrad, ya yad be togopluw ngog. Yad be fol u bogi n’en ni gathigag e gu turguy, ma yad be sayinnag e babyor ko m’ag u thilrad nge boch e nam nib togopluw ko tin nib m’agan’ug ngay. Yad be yin’ daken e denen ni yad be rin’.

Jeremiah 44:20

Ma aram mug ga’ar ngak gubin e pumo’on nge ppin ni yad be non ngog ni arrogon,

Malaki 3:7

Gimed bod e pi chitamangimed ni kakrom, ya kam pi’ed keru’med ko pi motochiyel rog dakumur folgad riy. Mu chealgad ngam sulod ngog, mu gu cheal nggu sul ngomed. Machane gimed be fith ni be lungmed, ‘Mang e thingar gu rin’ed me yag ni ngug chealgad nggu sulod ngom?’