Ezekiel 1:22 - Bible Ni Thothup

²² Ma puluwon lolugen e pin’em nib fos ngalang e ba’ ban’en riy ni bod ya’an ba th’ib ni kan polpoluy nni ngongliy nga bogi ban’en ni bod e melor nib galgal ram’en.

Ezekiel 1:22 Referans Kwoze

Ezekiel 10:1

Gu sap nga ban’en ni bod ya’an e th’ib u daken lolugen fa pin’en nib fos ma puluwon fa pin’em ngalang e ba’ ban’en riy ni tagil’ be’ nib pilung nni ngongliy u mmit i malang ni sapphire.

Revelation 4:6

Mu m’on u tagil’ Got e bay bangi ban’en riy ni bod bangi day ni gowa ni ngongliy ko thirek, nib machalbog ra’en nra yan e changar u fithik’ ni bod e krystal. Bay aningeg i ban’en ni yad ba fos ni kayigi fach lan owcherad u m’on rorad ngu keru’rad ni kar liyeged tagil’ Got.

Ezekiel 1:26

Ma puluwon fare n’em ni bod ya’an ba th’ib ni kani polpoluy ngalang e bay tagil’ be’ riy nni ngongliy nga bmit e malang ni bfel’ ya’an ma ba t’uf ni sapphire fithingan, ma en nike par ngay e bod ya’an ba girdi’.

Revelation 21:11

ni be galgal ram’en nga ram’en Got. Re binaw nem e be galgal ram’en ni gowa malang nib tolang puluwon, ni bod ba malang ni jasper, nra yan e changar u fithik’ ni bod e krystal.

Revelation 4:3

Ma be gal ram’en owchen ni bod e malang ni jasper nge karnelian; ma bay ba ragim nike liyeg tagil’ fa’anem ni bod ra’en ba malang ni emerald.

BABYOR NI JOB 37:22

Kaniguy ba ra’en nib maluplup u lan e lel’och, ma fal’ngin Got e ke suguydad ka da ngatgad ngay.

Exodus 24:10

miyad guy fare Got rok piyu Israel. Tan e rifrif u ay e ba’ ban’en riy ni bod ba wo’ nni gad ko malang ni sapphire, ni ra’en e bod feni mak’ef lanelang.

Ezekiel 1:25

machane kabay lingan ban’en ni be yib ko fare th’ib ni bay u puluwon lolugrad ngalang.

Ezekiel 10:20

Mug poy ni yad fa pin’en nib fos ni gguy u tan Got rok yu Israel ko Lul’ ni Kebar.