Ezekiel 1:2 - Bible Ni Thothup

² Ke yan i gaman lal e duw nap’an ni kan fek Jehoyakin ni Pilung nga wuru’ e nam nib kalbus.)

Ezekiel 1:2 Referans Kwoze

Ezekiel 40:1

Bin ragag e rran ko be’ech e duw, ni aram e bin rliw’ nge lal e duw nga tomuren nni fekmad ni kalbus nga wuru’ e nam ma ragag nge aningeg e duw nga tomuren ni kan kol yu Jerusalem. Rofan nem mu gu thamiy gelngin SOMOL ni bay, ma aram me chibiyeg nge fekeg i yan.

Ezekiel 20:1

Lan e bin ragag e rran ko pul ni lal, ko bin ni medlip e duw ni gamad ba kalbus. Me yib boch e tayugang’ nu Israel ra fithed ngog ko mang e ba m’agan’ SOMOL ngay, rabad ra pired nga but’ u p’eowcheg.

Ezekiel 29:17

Rofen ni som’on ko bin m’on e pul ko duw ni rliw’ nge medlip ni gamad ba kalbus me non SOMOL ngog.

Ezekiel 8:1

Bin ni lal e rran ko pul nnel’ u lan e bin ni nel’ e duw ni gamad ba kalbus, e gamad bay e pi tolang ko kalbus ni gamad bpar ngabut’ u lan e naun rog. Meyib gelngin SOMOL ni Th’abi Tolang nga dakenag nib tomgin.

Ezekiel 31:1

U lan e bin m’on e rran ko pul ni dalip ko re duw ni ragag nge ta’reb ni gamad ba kalbus, me non SOMOL ngog.

Ezekiel 29:1

U lan e bin ragag e duw ko bin ragag e pul, ko rofen ni ragag nge l’agruw e rran ko pul, ni gamad ba kalbus me non SOMOL ngog ni ga’ar,

Ezekiel 17:12

“Mu fith e pi tatogopluw ney ko yad manang fan fare fanathin fa dangay? Mog ngorad ni pilung nu Babylon e yib nga Jerusalem nge fek e pilung riy nge pi tayugang’ nga Babylon.

Ezekiel 33:21

Lan e bin ragag nge l’agruw e duw nga tomuren ni kan fekmad ni kalbus nga wuru’ e nam ko rofen ni lal ko pul ni ragag, me yib be’ nib mo’on nike thay u Jerusalem i weliy ngog nike waer e binaw nu Jerusalem.