Ezekiel 1:1 - Bible Ni Thothup

¹ Bin lal e rran ko pul ni aningeg ko duw ni guyey e ug pired e girdi’ nu Israel ni kan fekmad u Israel nga Babylon ni kalbus, ma gamad be par u to’oben e lul’ ni Kebar. Me mab lanelang me piliyeg Got e changar rog me dag ban’en ngog. (

Ezekiel 1:1 Referans Kwoze

Revelation 19:11

Ma aram mu gguy e tharmiy nike mab, mu gguy ba os nib wechwech, ni en nike af nga daken e Yul’yul’ nge Riyul’ fithingan; nib mat’aw rogon e gechig nma pi’, ma bmat’aw rogon e mael nma tay.

Acts 7:56

Me ga’ar, “Mu sapgad! Kug guy e tharmiy nike mab ma kug guy fa’anem ni Fak e Girdi’ nib sak’iy u ba’ ni mat’aw rok Got!”

Matthew 3:16

Ma nap’an ni yugni tawfenag Jesus, me yib u fithik’ e ran nga talang. Me mab e tharmiy ngak, me guy fare Kan Thothup rok Got ni be yib u lang i yib nga but’ ni bod ba bulogol me yib i par nga daken.

Ezekiel 11:24

U lan fare changar rog ni kan pilyeg e kan nthothup rok Got e chibiyeg ngalang nge fulwegeg ko fapi kalbus ni yad bay u Babylon. Ma aram me m’ay ngabang fare changar ni ug tay,

Acts 10:11

I guy e tharmiy nike mab me guy ban’en ni be yib nga but’ ni bod ya’an bangi mad ni ba ga’ yang ni kan nguchuruy nga but’ u aningeg i tabthungen.

Luke 3:21

Nap’an ni mu’ i tawfenag urngin e girdi’, ma kun tawfenag Jesus. Ma nap’an ni be meybil, me mab e tharmiy,

Ezekiel 10:20

Mug poy ni yad fa pin’en nib fos ni gguy u tan Got rok yu Israel ko Lul’ ni Kebar.

Ezekiel 10:15

(Ireram fa pin’en nib fos nug guy u charen e lul’ ni Kebar.) Nap’an nra yan fa pin’en nib fos ngalang u fithik’ e nifeng

Revelation 4:1

Ma aram min piliyeg e changar rog ngku gguy ba mab nike mab u tharmiy. Ma fare lam ni gowa laman ba rappa ni gu rung’ag laman ni i non ngog ko som’on e ga’ar, “Moy ngaray ngalang, mu gu dag ngom e n’en ni bay yib i m’ug.”

John 1:51

Me ga’ar ngorow, “Nggog e tin riyul’ ngomew, ni bay mu guyew e tharmiy nike mab nge pi engel rok Got ni be yan boch ngalang ma be yib boch nga but’ nga daken e en ni Fak e Girdi’!”

Ezekiel 43:3

Re ya’an ney e bod fa bin ni gguy ko fa ngiyal’ ni yib Got ni nge gathey yu Jerusalem, nge fa bin ni gguy u charen e l’ul ni Kebar. Ma aram mug palpal nga daken e but’.

Ezekiel 8:3

Me k’iyag ban’en ngog ni bod rifrifen pa’ be’ nge malle’ nga piyen lolugeg. Kab pig owcheg me chibiyeg e kan nthothup rok Got nib tolang nge fekeg nga Jerusalem. I fekeg ko bin lel’och e garog ko Tempel nga langgin e yoror ko gin bay ba liyos riy ni rib tharthar nga mit Got.

Ezekiel 3:23

Mu gu waen ngalan fare loway, mu gguy ram’en SOMOL u rom, ni bod rogon ni gguy u to’oben e lul’ ni Kebar. Mu gu paraw nga but’,

Ezekiel 1:3

U rom u Babylon u to’oben e lul’ ni Kebar, e gu rung’ag lungun SOMOL riy ni non ngog mu gu thamiy gelngin u fithik’ag.

Isaiah 1:1

Re babyor ney e bay murung’agen yu Judah nge yu Jerusalem riy nrogon ni dag Got ngak Isaiah ni be’ nib mo’on ni Amoz e chitamngin, ko fa ngiyal’ ni Uzziah, nge Jotham, nge Ahaz, nge Hezekiah e ur pilunggad u Judah, nra chuw bagyad me yib bagyad nga luwan.

Numbers 12:6

Me ga’ar SOMOL, “Mu telmew ko tin ni nggog! Ra bay e profet u fithik’med ma gu ma piliyeg e changar rorad ngar nanged gag, fa gu non ngorad u malik’ay.

2 Korinth 12:1

Thingar gu welthin ni nggu n’ufeg, ni yugu aray rogon ndariy ban’en nra yib riy ni bfel’. Machane chiney e nggu weliy murung’agen e tin ni kan piliyeg e changar rog kug guy nge tin ni kan dag ngog ni Somol e dag.

Mark 1:10

Ma nap’an ni yib Jesus u fithik’ e ran nga talang me guy e tharmiy ni be mab, me guy fare Kan ni Thothup ni be yib u lang i yib nga daken ni bod ba arche’ ni dove.

Joel 2:28

’Ma tomur riy e bay gu pu’og e Kan Nthothup rog nga daken urngin e girdi’, ma pi’in pagel romed nge pi’in rugod romed e bay ra weliyed e thin rog ngak e girdi’; ma pi pumo’on ni kar pilibthirgad e bay i yib e lik’ay ngorad, ma pi’in pagel romed e bay ni piliyeg e changar rorad ngu’ur guyed bogi ban’en.

Hosea 12:10

“Gu non ko pi profet; me Gag e gu pilyeg e changar rorad ngar guyed bo’or ban’en, mu daken e pi profet rog e bo’or yay ni gginang e girdi’ rog riy.

Ezekiel 40:2

U lan e changar rog ni pilyeg e fekeg Got ko binaw nu Israel nge teg nga daken bburey nib tolang. Puluwon owcheg e gguy ban’en ni bod bbinaw nib ga’ nib sug ko naun.

Ezekiel 3:15

Mu gu taw nga Tel Abib ni bay u to’oben e lul’ ni Kebar, ni aram e gin be par piyu Israel riy ni kar kalbus gad, mu gu par u rom ni medlip e rran nike balyang nigeg e n’en ni kug guy nge n’en ni kug rung’ag.

Numbers 4:3

min fal’eg babyoren fithingan urngin e pumo’on ni guyey nge yan i mada’ ko wugem e duw yangarrad ni ngar maruwelgad u lan fare Tent u p’eowchen SOMOL.

Exodus 24:10

miyad guy fare Got rok piyu Israel. Tan e rifrif u ay e ba’ ban’en riy ni bod ba wo’ nni gad ko malang ni sapphire, ni ra’en e bod feni mak’ef lanelang.

Genesis 46:2

Me non Got ngak Israel nnep’ ni ga’ar, “Jakob, Jakob.” Me ga’ar Jakob, “Gu be motoyil.”

Acts 10:3

Gonap’an e dalip e kolok ni mithig yal’ mi ni piliyeg e changar rok, nge guy ba engel rok Got nike yib nga naun nge yib i ga’ar ngak, “Kornelius!”

Matthew 17:9

Ma nap’an ni yad be yib u daken fare burey nga but’ me tay Jesus chiylen ngorad ni ga’ar, “Dab mogned ku be’ e tin ni kam guyed nge yan i mada’ ko ngiyal’ ni kan faseg e en ni Fak e Girdi’ ko yam’.”

Ezekiel 10:22

Pi owchef rorad nem e ri ta’reb rogon ko pi owchef ni ba’ram nug guy u charen e Lul’ ni Kebar. Ra reb fa pin’em nib fos ma be yan u puluwon nga m’on.

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Luke 3:23

Gonap’an e guyey e duw yangren Jesus me tabab ko maruwel rok; mi Josef e chitamngin, ni girdi’ e leamnag ni aram rogon, mi Heli e chitamngin Josef,

Isaiah 6:1

Re duw i n’en ni yim’ Uzziah ni Pilung e gag Isaiah e gguy SOMOL nike par nga tagil’ nib tolang ngalang, ma thal ni wuru’ e mad rok e ke sugnag lan e Tempel.

Psalms 137:1

Nap’an ni yib yu Zion nga lanin’mad ma gamad par nga but’ u to’oben e yu pa’ i lul’ nu Babylon ngu’ug yorgad.

Jeremiah 29:15

“Gimed be yog ni SOMOL e pi’ e profet ngomed u lan yu Babylon.

Ezekiel 10:1

Gu sap nga ban’en ni bod ya’an e th’ib u daken lolugen fa pin’en nib fos ma puluwon fa pin’em ngalang e ba’ ban’en riy ni tagil’ be’ nib pilung nni ngongliy u mmit i malang ni sapphire.