Exodus 9:34 - Bible Ni Thothup

³⁴ Ma fa’ani guy Farao nike tal e n’uw nge ayis ni be mul nga but’, ma dakir chub e dirra’, me denen bayay ni aram e ke gelnag laniyan’, ni ir nge pi tolang u tan pa’.

Exodus 9:34 Referans Kwoze

Exodus 7:14

Ma aram me ga’ar SOMOL ngak Moses, “Farao ni pilung e kari gelnag laniyan’; ndabi pag piyu Israel ngranod.

Eklesiastes 8:11

Mangfan ni girdi’ e kaygi par ni be ngongliy e kireb? Bochan e kireb e danir gechignag ni aram feni papay.

2 Kronicles 36:13

I Nebukadnezzar ni Pilung nu Babylon e gelfen ngak Zedekiah nge micheg u fithingan Got ni nge par nib yul’yul’. Ma ba gelan’ me siyeg ni nge pi’ keru’ ko denen rok nge sul ngak SOMOL, ni fare Got nu Israel.

2 Kronicles 33:23

Machane de bod e chitamngin ni sobut’nag laniyan’ nge sul ngak SOMOL; kabgel feni kireb e tin i rin’ rok chitamngin.

2 Kronicles 28:22

Nap’an nri gel e gafgow nike yib ngak Ahaz ma aram mri mun daken e denen nib togopluw ngak SOMOL ni i rin’.

Exodus 8:15

Fa’ani guy fare pilung nike manigil boch gubin ban’en, me gelnag laniyan’ bayay nge daki fol ko tin keyog Moses nge Aron, ni bod rogon ni yog SOMOL.

Exodus 4:21

Me ga’ar SOMOL ngak Moses, “Chiney e aram e ngam sul nga Egypt, ma ngam guy rogon ngar mu ngongliy u p’eowchen Farao urngin fapi maang’ang ni kug pi’ gelngim ni ngam ngongliy. Bay gu gagiyegnag nge gelnag laniyan’, nge dabi pag e girdi’ nu Israel ngranod.

Exodus 9:33

Me chuw Moses rok Farao nge yan nga wuru’ fare binaw. Me pug pa’ ngalang nge meybil ngak SOMOL, me tal e dirra’ nge ayis ni be mul nga but’, me tal e n’uw ndaki aw.

Exodus 9:35

Me gelnag laniyan’ nge par nde pag piyu Israel ngranod, nri bod rogon ni fa’ani yog SOMOL ngak Moses.

1 Samuel 6:6

Dab mu gel niged lanin’med ni bod ni rin’ Farao nge girdi’ nu Egypt. Dab mpaged talin nga rogon ni gagiyeg nagrad Got ngar ngongolgad nga fithik’ e balyang, ma fin ngiyal’ nra paged piyu Israel ngar chuwgad u Egypt e dakur yodoromgad.