Exodus 9:27 - Bible Ni Thothup

²⁷ Me pi’ Farao e thin nge yib ngak Moses nge Aron, ni be ga’ar, “Yaney e kug denen; i SOMOL e mmat’aw, ma girdi’ ko nam rog nge gag e gamad ba kireb.

Exodus 9:27 Referans Kwoze

Lamentations 1:18

“Machane SOMOL e ir e bmat’aw, ya gag e da ug fol rok. Mmotoyil gad ngog, gimed e girdi’ u gubin yang; mu guyed gag u fithik’ e amith rog. Pi’in pagel nge rugod rog e kan fek’rad nga bang ni yad ba kalbus.

Psalms 129:4

Machane, SOMOL, ni ir e cha’ nib mat’aw, e ke pithigeg ni dab kug mang sib.”

2 Kronicles 12:6

Fare pilung nge fapi tagafal e rogned ni kar denengad, me lungurad, “N’en ni be rin’ SOMOL e bmat’aw.”

Exodus 10:16

Me l’oeg Farao e thin nib gur nge yan ngak Moses nge Aron ni ngarbow, me ga’ar, “Kug denen nib togopluw ngak SOMOL ni Got romew nge ngomew.

Psalms 145:17

I SOMOL e mmat’aw urngin e tin ma rin’, mma runguy e girdi’ u fithik’ urngin e ngongol rok.

Roma 3:19

Kad nanged e chiney ni urngin ban’en ni bay ko re Motochiyel nem e fan ngak e pi’in yad be par u tan e re Motochiyel nem, ni fan e ngan taleg urngin e tawey rok e girdi’ nge yag nni fek urngin e girdi’ nu fayleng nga tan e pufthin rok Got.

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Matthew 27:4

ni be ga’ar, “Kug denen, ya kug yagnag be’ nib mo’on ndariy ban’en nike kirebnag ni ngan li’ ngem’!” Miyad fulweg ngak ni lungurad, “Dariy rogon e tin ngomad, ya gur e bay rogon ngom!”

Daniel 9:14

Gur SOMOL ni Got romad e mpar ni kam fal’eg rogom ni ngam gechig nagmad, ma ga rin’, ya gubin ban’en ni ga ma rin’ e bmat’aw, ya gamad e da gu folgad ko tin mog.

Numbers 22:34

Me fulweg Balaam ni ga’ar, “Kug denen. Da gu nang ni ka mub mu sak’iy ngalan e kanawo’ ni ngam talegeg; machane fa’anra de fel’ u wun’um ni nggu wan me ere nggu sul nga tafnag.”

1 Samuel 26:21

Me fulweg Saul ni ga’ar, “Kug rin’ e kireb. David ni fakag, mu sul e ngaray! Ri dakuriy bi’id ni nggu rin’ ban’en nib kireb ngom, ni bochan e dam fek e pogofan rog e nep’ ney. Kug par ndariy rogog! Kug rin’ ban’en nrib gel e kireb riy!”

1 Samuel 15:24

Me ga’ar Saul, “Kug denen, ya da gu fol ko tin keyog SOMOL ngog nge tin mog ngog ni nggu rin’. Gu tamdag ngak e pi salthaw rog mu gu rin’ e tin nib magan’rad ngay.

Psalms 9:16

Ke gagiyegnag SOMOL kannang ko ir mini’ u daken e pufthin rok nib mat’aw; ma pi’in kireb e ke tafchiyrad e ngongol rorad.

1 Samuel 15:30

Me ga’ar Saul, “Kug denen, machane mu tay fag u p’eowchen e pi’in yad ma yog e thin rok e girdi’ nu Israel ngu p’eowchen urngin piyu Israel. Mu un ngog ngad sulow nge yag ni gu liyor mu gu meybil ngak SOMOL ni Got rom.”

Exodus 8:8

Me pining fare pilung Moses nge Aron, me ga’ar, “Mu meybilgow ngak SOMOL nge chuweg e pi kayru ney, ma aram mu gu pag e girdi’ romew ngranod, nge yag nra pi’ed e maligach rorad ngak SOMOL.”

Exodus 8:25

Me pi’ Farao e thin nge yan ngak Moses nge Aron ni ngarbow ngak, me ga’ar ngorow, “Mmarod, ngam pied e maligach ngak e Got romed u bang u lan e re nam ney.”

Exodus 10:17

Ere mu n’igew fan u wun’mew e denen rog e ta’yaney, mi gimew meybil ngak SOMOL ni Got romew nge chuweg e re gechig ni ubchiya’ ney rog.”

Numbers 21:7

Me yib e girdi’ ngak Moses me lungurad, “Kug denengad ya kug nonod nib togopluw ngak SOMOL nge gur. Mu meybil nagmad ngak SOMOL nge chuweg e pi porchoyog ney romad.” Ma aram me meybil Moses ni fan ko fapi girdi’.

Joshua 7:20

Me fulweg Akan ni ga’ar, “Rriyul’, kug denen nib togopluw ngak SOMOL ni Got rok yu Israel, irera’ e tin kug rin’.

2 Samuel 12:13

Me ga’ar David, “Kug ngongliy e denen nib togopluw ngak SOMOL.” Me fulweg Nathan ni ga’ar, “I SOMOL e ke n’ag fan e denen rom; ma dab ku mum’.