Exodus 9:25 - Bible Ni Thothup

²⁵ Urngin e girdi’ nge gamanman ni immoy u wean u urngin yang u Egypt e li’rad e ayis nike el ni aw nn’uw. Me li’ urngin e woldug ni bay u milay’, me t’ar urngin kan e gek’iy.

Exodus 9:25 Referans Kwoze

Psalms 78:47

Me thang owchen e woldug rorad ni grape ko ayis nma mul mul ni bod e malang me li’ e gek’iy ni fig rorad ko ayis nike el.

Exodus 9:19

Ere mog nga ni fek e gamanman rom nge urngin ban’en rom ni bay u lan e tamilang ngan tay nga naun; ya bayi mul e ayis nike el nga daken urngin e girdi’ nge gamanman ni bay u wean, ma yad gubin ni bay ra m’ad.’”

Exodus 9:24

Me yib e yoko’ ni be mul e ayis nike el nga but’, ma be matmat e uluch u fithik’; ireram e re yoko’ ni th’abi ga’ nike guy yu Egypt ni ka nap’an ni ngal’ nreb e nam.

Psalms 78:48

Me li’ e pi garbaw rorad ko ayis nike el ni bod e malang me li’ e yuran’ i gamanman rorad ko uluch.

Ezekiel 13:13

Ere chiney e irera’ e n’en ni be yog SOMOL ni Th’abi Tolang: “U fithik’ e damumuw rog e bay gu pi’ e nifeng nib gel, nge n’uw ni sarbul, nge yung i ayis ni gowa bogi malang ni nge mul u lang nge buthug fare rungrung.

Exodus 9:6

Ma reb e rran riy me rin’ SOMOL ni bod rogon ni yog, me yim’ urngin e gamanman rok piyu Egypt, machane dariy reb e gamanman ni fak piyu Israel ni yim’.

Joshua 10:11

Nap’an ni yad be mil rok piyu Israel i yib nga p’ening u daken fare pa’ i kanawo’ ni yib u Beth-horon nga Azekah, me yin’ SOMOL e ayis ni gang’ yang u lang nga dakenrad ngarm’ad. Pire’ e tin ni yim’ ko re ayis nem ko tin i li’ piyu Israel.