Exodus 9:17 - Bible Ni Thothup

¹⁷ Machane ka ga be togopluw ngak e girdi’ rog u fithik’ e tolngan’, ndamur pagrad ngranod.

Exodus 9:17 Referans Kwoze

1 Korinth 10:22

Fa gadad ba’adag ni ngad k’aringed e damumuw ngak Somol? Gimed be leamnag ma gadad ba gel ngak?

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

Isaiah 45:9

Rayag rok ba th’ib ni but’ ni nge tugthin ngak e cha’ ni ir e ngongliy, ni ba th’ib ni ta’reb rogon nga urngin e th’ib ni bay? Rayag rok e but’ ni th’ib ni nge fith ngak e en ni be ngongliy ko mang e be rin’ fa’anem? Rayag rok ba th’ib ni nge thibthibnag salapen pa’ e en ni ngongliy?

Isaiah 37:29

Ke thap babyoren e damumuw nge tolngan’ rom ngog, ma chiney e bay gu the’ ba lam nga p’ethngum nge bochyang i wasey ni bay gufan ngalan langam nge fulwegem ko re pa’ i kanawo’ ni mub riy.”

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.

Isaiah 10:15

Machane me ga’ar SOMOL, “Rayag ni nge ga’ar bang i tow i ir e ba ga’ boch ko en nma maruwel ngay? Ba ga’fan ba glayoch ko en nma glayoch? Dar ma chibiy baley i gul be’ ngalang, ya en nma maruwel ngay e ma chibiy ngalang.”

BABYOR NI JOB 40:9

Mog, ta’reb rogon gelngim ngog? Rayag ni nge dirra’ lungum ni bod gag?

BABYOR NI JOB 9:4

I Got e rib gonop ma rib gel gelngin; dariy be’ nrayag ni nge chugur ni nge ta’reb gelngirow.

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Exodus 9:18

Mu telim, re ngiyal’ i n’ey gabul e nge mul e ayis nike el u lang nib cheag e nifeng ni yoko’ ngay, ndawori guy yu Egypt ni ka nap’an ni mang reb e nam.

Ezekiel 28:6

“Ma aram e chiney e Gag SOMOL ni Th’abi Tolang e gu be ga’ar: Bochan ni ga be leamnag ni ga bod feni llowan’ ba got,

Daniel 5:20

Ma bochan e tolngan’ me ufanthin me gelan’, me gafgownag e girdi’, min chuweg ko pilung nge dakun tay fan.