Exodus 9:16 - Bible Ni Thothup

¹⁶ Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Exodus 9:16 Referans Kwoze

Roma 9:17

Ya ga’ar e babyor nib thothup ngak Farao, “Kug pilungnigem ni ba’aray fan, bochan e nggu maruwel ngom nge yag ni gu dag gelngig, min nang fithingag u fayleng ni polo’.”

Proverbs 16:4

Urngin ban’en ni ngongliy SOMOL e bay e gin nge yani mada’ ngay, ma girdi’ ni kireb e gechig e ra mada’nag.

Psalms 64:9

Ma aram e bay rrusgad ni yad gubin; bay ra leam niged murung’agen e n’en ke rin’ Got ngar welyed murung’agen e gafarig rok.

1 Kronicles 16:24

Mogned feni gil ko pi nam, nge feni manigil rogon e maruwel rok ngak gubin e girdi’.

Exodus 14:17

Bay gu tay piyu Egypt ngari gel lanin’rad ngar leked piyu Israel nga maday; ma bay gu gel ngak Farao, nge fa rab’ i salthaw rok, nge pi chariot rok, nge pi’in yad ma yannag e pi chariot rok nem, min ta’fag ni bochan.

Jude 1:4

Ya boch e girdi’ ndariyfan Got u wun’rad e karbad ra maathukgad nga fithik’dad ndad nanged, kar pingeged e thin rok Got ngabang, ni murung’agen e runguy rok, ya nge yib e tawey rorad ko ngonglen e darngal ni yad be rin’, ma kar n’iged Jesus Kristus, nike mus ni ir e Masta nge Somol rodad. Kab kakrom me weliy e babyor nib thothup murung’agen e re gechig ney ni kar girngiyed nga dakenrad.

1 Peter 2:8

Ma ku bayang e babyor nib thothup e be ga’ar, “Ireray fare malang ni bayi tun ay e girdi’ ngay, ni fare war ni bayi dol’ nagrad.” Kar dol’gad ni bochan e de michan’rad ko thin rok Got; aram e tin ke leamnag Got ngorad.

Roma 9:22

Ere ta’reb rogon e ren’ey ko n’en nike rin’ Got. Be finey ni nge dag e damumuw rok ya nge dag gelngin ngan guy. Ere rib gumaen’ ni be k’adan’ rok e pi’in yad be k’ar damumuw ngak ni bay tapgin ni nge kirebnagrad.

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Exodus 18:11

Kugnang e chiney ni fare SOMOL e ri kab ga’ ngak urngin e pi got, ya nap’an ni be gafgownag e girdi’ nu Egypt piyu Israel miyad be changar ngorad nga but’ me rin’ ban’en ni ara’rogon.”

Exodus 14:4

Bay gu gagiyegnag Farao nge gel laniyan’ me lol’ogmed, ma bay gu gel ngak Farao nge urngin e salthaw rok min ta’fag ni bochan. Piyu Egypt e bay ra nanged ni gag SOMOL.” Me rin’ piyu Israel ni bod rogon ni kanog ngorad.

1 Peter 2:19

Ra fal’eg Got wa’athmed ni bochan e ren’ey, ni fa’anra mu k’adedan’med ko amith ko gafgow nde mat’aw ni be tay e masta romed ngomed ni bochan e bay u wun’med e tin nib m’agan’ Got ngay.

Malaki 1:14

Nge kireb wa’athan e en nra sasaliyeb nge li’ ba gamanman ni gathi rib fel’ nge pi’ ngog ni maligach, ma bay reb e gamanman ni bfel’ u fithik’ e gamanman rok nike micheg ngog ni nge pi’ ngog. Ya gag e pilung ni ga’, girdi’ nu gubin e nam e bay madgug u wun’rad.”

1 Samuel 4:8

Mini’ e ku rayag rok ni nge ayuwegdad u pa’ e pi got nem nrib gel? Ya yad fapi got nra li’ed piyu Egypt u daken e ted ni desert!

Exodus 9:15

Fa’an mang e gu pug pa’ag ngalang nggu pi’ e liliy ngom nge girdi’ ko nam rom, ma kam m’ad.

Exodus 9:17

Machane ka ga be togopluw ngak e girdi’ rog u fithik’ e tolngan’, ndamur pagrad ngranod.

Nehemiah 9:10

Ma’ang’ang nni gin ngay e mu ngongliy nib togopluw ngak Farao, nge ngak e pi tolang ni bay nga tan pa’ nge girdi’ ko nam rok, ya mu nang gelngin e gafgow ni yad be tay ngak e tirom e girdi’. Me gilbuguwam ni bod rogon e bin daba’ e rran ni ka ba gilbuguwam.

Psalms 76:10

Damumuw ko girdi’ e kemus ni be gelnag feni sorom; ma pi’in de yim’ ko mael e bay ur madnom niged gur.

Psalms 106:8

Machane aywegrad, ni bod rogon ni micheg, ni bochan e nge dag feni gel gelngin.

Jeremiah 32:20

Kakrom e um ngongliy e maang’ang nge tin un ngat ngay u lan yu Egypt, ma ga ul’ul ngay ke mada’ ko biney e rran, u lan yu Israel ngu fithik’ gubin e nam, ni aram e chiney e kan nangem u gubin yang.

Ezekiel 39:21

I SOMOL e ga’ar, “Bay gu gagiyegnag fapi nam ngar guyed gil’ilungug mug dag ngorad rogon ni gu ma maruwel nga gelngig nggu rin’ e tin kug duwgiliy nib mat’aw.

Numbers 14:21

machane rogon feni riyul’ ni gu be par ni gub fos nge feni riyul’ ni kug sugnag e fayleng,

Joshua 4:24

Urngin e girdi’ nu fayleng e bay ra nanged gelngin SOMOL ni bochan e ren’ey, ma bay um tedfan SOMOL ni Got romed ndariy n’umngin nap’an.”

2 Samuel 7:23

Dakuriy reb e nam ngabang u fayleng ni bod e yu Israel, ni gur e mu lufrad ko sib ngam mang nagrad girdi’ rom. Pin’en ni ba sorom riy nge pi ma’ang’ag ni mu rin’ ngorad e wear murung’agem riy u roy u fayleng. I gur e mu tuluf e pi nam nge pi got rorad u nap’an ni be yan e girdi’ rom i yan nga m’on, fapi girdi’ ni gur e mu pithigrad u Egypt ni ngar manged girdi rom.

2 Kings 19:35

Re nep’ i n’em e yan ba engel rok SOMOL ko gin be par e salthaw nu Assyria riy nge thang e pogofan rok 185,000 i yad. Ma fa’ani puf e woch ma go’ yad ba yam’ ni yad bay u rom.