Exodus 8:6 - Bible Ni Thothup

⁶ Ma aram me k’iyag Aron pa’ nga daken urngin yang e ran, me yib e kayru nge sugnag lan e binaw.

Exodus 8:6 Referans Kwoze

Psalms 105:30

Me sugnag e kayru lan e nam rorad, ni mus nga tafen e en ni pilung me sugnag e kayru.

Psalms 78:45

Me pi’ e lal nge yib nga fithik’rad nge gafgow nagrad nge kayru ni gathay taferad.

Revelation 16:13

Ma aram mu gguy dalip e mo’onyan’ ni bod ya’an e kayru, ni karbad nga but’ u lan l’ugun fare dragon, ngu lan l’ugun fare gamanman, ngu lan l’ugun fare profet ni yugu ban’en.

Levitikus 11:12

Thingar dab mu koyed ban’en nib fos nma par u mday ara mran ndariy fen e mnong rok fa olyen.

Exodus 7:19

Me ga’ar SOMOL ngak Moses, “Mog ngak Aron nge fek fa ley i sog rok nge k’iyag nga daken urngin e yupa’ i lul’, nge wol’ e ran ni ka ni ker, nge pi lupath u lan yu Egypt. Ya bayi ngal’ e ran riy ni racha’, ma gubin yang u daken e nam ni bayi par e racha’ riy, ni mus nga fithik’ e gek’iy nge pi alublub ni be yib e ran riy u fithik’ e war ngalang.”

Exodus 9:14

Yaney e gathi go’ tolang rom nge girdi’ rom e gu ra gechignag, ya gab mu’un ngay, ma aram e bay mu nang ni dariy be’ ni bod gag u lan e re fayleng ney ni ga’ngin.

Exodus 9:29

Me ga’ar Moses ngak, “Nap’an ni gu ra yan nga wuru’ e binaw, mu gu pug pa’ag ngalang nggu meybil ngak SOMOL. Me tal e dirra’, ma dabki mul e ayis nike el nga but’, ma aram e bay mu nang ni re fayleng ney e mmil suwon ngak SOMOL.

Exodus 10:2

ma fan e nge yag ni mu weliyed ngak pifakmed nge fak pifakmed nga rogon ni gu balyangnag piyu Egypt ko ngiyal’ ni gu ngongliy fapi maang’ang u fithik’rad. Ma gimed gubin ni bay mu nanged ni gag SOMOL.”

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Deuteronomy 4:35

I SOMOL e dag urngin e pin’ey ngomed ya ngam nanged ni kemus ni ir e Got ni bay ma dakuriy yug reb ngabang.

Deuteronomy 32:31

Pi to’ogor rorad e manang ni tirorad e got e ba waer, dar gelgad ni bod rogon e Got rok yu Israel.

Deuteronomy 33:26

Gimed yu Israel, ndariy reb e kan ni bod e Got romed, ma yan u lanelang ni be galgael ram’en, ma yib i kuruf e manileng nge yib i ayuwegmed.

2 Samuel 7:22

SOMOL ni Got, rib sorom! Dariy be’ ni bod gur; dakuriy yugu reb e Got nga bang, ya kemus ni gur, ni bod ni kug rung’aged.

2 Kronicles 6:14

Me meybil ni ga’ar, “SOMOL ni Got nu Israel, dariy e Got ni bod gur u ga’ngin e tharmiy ngu fayleng. Kam tay nga gil’ fare m’ag u thilmed e girdi’ rom u n’umngin nap’an ni yad be fol rom u polo’ i gumircha’rad.

Psalms 86:8

A Somol, dariy reb e got ni bod gur, ma dariy reb nike rin’ e n’en ni kam rin’.

Psalms 90:2

U m’on ndawor mu sunumeg e yochi burey, u m’on ndawor mu sunumeg e fayleng, ni gur ba Got ni urun, ma gur e Got ni dariy n’umngin nap’an.

Isaiah 43:10

“Gimed e girdi’ nu Israel, gimed e mich rog; kug duwgiliymed ni ngam manged ba nam ni tapigpig rog, ni fan e ngam nanged gag mu gu mich u wun’med, me tamilangan’med riy ni kemus ni Gag e Got. Dakuriy yu gu reb e got nga bang; immoy ndariy, ma ku dariy ni bayib.