Exodus 8:28 - Bible Ni Thothup

²⁸ Me ga’ar Farao, “Bay gu pagmed ngam marod mu pi’ed e maligach ngak SOMOL ni Got romed u lan e ted ni desert, ni fa’anra de palog e gin ngam marod ngay. Ere mpi’ e meybil rog.”

Exodus 8:28 Referans Kwoze

Exodus 8:8

Me pining fare pilung Moses nge Aron, me ga’ar, “Mu meybilgow ngak SOMOL nge chuweg e pi kayru ney, ma aram mu gu pag e girdi’ romew ngranod, nge yag nra pi’ed e maligach rorad ngak SOMOL.”

Exodus 9:28

Mmeybilgow ngak SOMOL, nge taleg e re yoko’ ney ni ba’ e dirra’ u fithik’ nge ayis nike el. Bay gu pagmed ngam marod; ndab kum pired.”

1 Kings 13:6

Me ga’ar Jeroboam ni Pilung ngak fare profet, “Wenig ngom mu yibliyeg ngak SOMOL ni Got rom, mag wenig ngak nge golnag pa’ag!” Me meybil fare profet ngak SOMOL me gol pa’ fare pilung.

Acts 8:24

Me ga’ar Simon ngak Peter nge John, “Wenig ngomew, mu wenig nigew gag ngak Somol, nge dabi yib ngog reb e pin’en ni be’er ni kamognew.”

Hosea 10:2

Girdi’ nib sug lanin’rad ko sasalap e dabisiy ni ngar gafgowgad e chiney ni bochan e denen rorad. I SOMOL e bayi buthug nga but’ e pi altar rorad, me gathay fa yu raba’ i malang ni yad ma meybil ngay.

Ezra 6:10

Thingar ni rin’ ni aray rogon ya nge yag nra pi’ed e maligach ni bfel’ u wan’ fare Got nu tharmiy, miyad meybilnag e fel’wa’athan nga dakenag nge ngak pifakag ni pumo’on.

Exodus 10:17

Ere mu n’igew fan u wun’mew e denen rog e ta’yaney, mi gimew meybil ngak SOMOL ni Got romew nge chuweg e re gechig ni ubchiya’ ney rog.”

Exodus 8:29

Me ga’ar Moses, “Yug nap’an ni gu ra yan, mu gu meybil ngak SOMOL, mra gabul ma ke chuw e lal romed e pi’in yad ba migid ngom, nge girdi’ rom nu Egypt. Machane ri dab kum ban nagmad bayay ngam taleg e girdi’ nu Israel ndab ra pi’ed e maligach rorad ngak SOMOL.”

Eklesiastes 6:10

Gubin e tin ke buch ma kan mu’ i duwgiliy ni kakrom, ma gadad gubin ni gadad manang ni dabiyag ni nge togopluw be’ ngak be’ nib gel rok.

Exodus 8:15

Fa’ani guy fare pilung nike manigil boch gubin ban’en, me gelnag laniyan’ bayay nge daki fol ko tin keyog Moses nge Aron, ni bod rogon ni yog SOMOL.

Jeremiah 42:2

miyad ga’ar ngog, “Wenig ngom ngam rin’ e n’en ngogned ngom! Meybil ngak SOMOL ni Got rodad ni fan ngomad. Meybil ni fen gubin e pi aromad nde yim’. Immoy bingyal’ nri gamad ba yo’or; ma chiney e ga be guy nri’in i gamad e ke magach.

Exodus 3:19

Ri gu manang ni pilung nu Egypt e dabi pagmed ngam marod, ni fa’anra dab ni gel nigey ngak.

Exodus 7:13

Me gelnag Farao ni pilung laniyan’, nde fol ko thin ni ka rognew, ni bod rogon ni fa’ani yog SOMOL.