Exodus 8:22 - Bible Ni Thothup

²² Rofen nem e bay gu tay e nug nu Goshen, ni gin be par e girdi’ rog riy, nge par ni dariy e lal riy, ni fan e ngam nang ni gag SOMOL e gu be maruwel u daken e re nam ney.

Exodus 8:22 Referans Kwoze

Exodus 9:4

Bay gu gagiyelnag e gamanman rok piyu Israel ko gamanman rok piyu Egypt, ya dariy reb e gamanman ni fak piyu Israel nra yim’.

Malaki 3:18

Girdi’ rog e bay kur guyed bayay e n’en nib thil u thilin e pi’in yad mmat’aw nge pi’in yad be ngongliy e kireb, ngu thilin e en ni be pigpig ngog nge en nder pigpig ngog.”

Exodus 10:23

Me par piyu Egypt ndakiyag ni nge guy bagayad bagayad, ma dariy be’ ni chuw u naun rok ni dalip e rran. Machane gin be par piyu Israel riy e par nib rran riy.

Ezekiel 30:19

Nap’an ni gu ra gechignag yu Egypt ni aray rogon, miyad nang ni Gag fare SOMOL.”

Exodus 9:6

Ma reb e rran riy me rin’ SOMOL ni bod rogon ni yog, me yim’ urngin e gamanman rok piyu Egypt, machane dariy reb e gamanman ni fak piyu Israel ni yim’.

Psalms 110:2

I SOMOL e bayi ga’nag e gagiyeg ni pilung rom nge wear u Zion i yan nga orel. Be ga’ar, “Gur e bay mu gagiyeg nga daken e pi to’ogor rom.”

Exodus 12:13

Rracha’ ko pi mab e bayi mang pow ko pi naun ni gimed be par riy. Nap’an ni gu ra guy e racha’, mu gu luk’afmed ni dab gu bucheg ban’en romed, u nap’an ni gu be gechignag yu Egypt.

Exodus 9:29

Me ga’ar Moses ngak, “Nap’an ni gu ra yan nga wuru’ e binaw, mu gu pug pa’ag ngalang nggu meybil ngak SOMOL. Me tal e dirra’, ma dabki mul e ayis nike el nga but’, ma aram e bay mu nang ni re fayleng ney e mmil suwon ngak SOMOL.

Exodus 9:26

Nug nu Goshen, ni aram e gin ma par piyu Israel riy, e kemus e gin’en nde mul e ayis riy nga but’.

Exodus 8:10

Me ga’ar Farao ni pilung, “Mu meybil nigeg gabul.” Me ga’ar Moses, “Bay gu rin’ e n’en ni kamog, ma aram e bay mu nang ndakuriy reb e kan ni bod rogon SOMOL ni Got romad.

Exodus 7:17

Are chiney e SOMOL, e be yog ni gur e bay mu nang ko ir mini’ ko n’en ni bay i rin’. Mu sap, bay gu toy e re ley i sog ney nga daken e ran u lan e re lul’ ney, me pig e ran riy nge ngal’ ni racha’.

Psalms 74:12

A Got, ya gur e pilung romad ko tobolingin i yib; bo’or yay ni kam ayuwegmad.

Exodus 7:5

Ngiyal’ i n’en ni gu ra pug pa’ag ngalang ni nge togopluw ngorad mu gu fek piyu Israel nga wuru’ fare nam, ma aram e bayi nang yu Egypt ni Gag fare SOMOL.”

Exodus 8:21

Fa’anra dab mu pag e girdi’ rog ngranod, ma nggog ngom ni bay gu pi’ e lal nge yib ngom, nge ngak e pi tolang ni yad bay u tan pa’am, nge ngak e girdi’ ko nam rom, nge ngalan e pi naun rom, nge ngalan e’pi naun rok piyu Egypt, nge mus nga daken e gi but’ ni yad ba sak’iy riy ni bayi sug ko lal.

Exodus 8:23

Bay gu gagiyelnag e tirog e girdi’ rok e tirom. Re maang’ang ney e bayi m’ug gabul.’”

Exodus 19:5

Fa’an gimed ra fol rog ngam ayuweged fare m’ag rog, ma gimed ra par ni kam manged girdi’ rog. Fayleng ni polo’ e bmilfan ngog, machane bay mpired ni gimed e girdi’ ni kug mel’egmed ni ngam manged girdi’eg,

Exodus 20:11

I Gag SOMOL e gu ngongliy e tharmiy, nge but’, nge day, nge urngin ban’en ni ba’ riy u lan n’el e rran, me rofen ni gaman e medlip ngay mu gu toffan. Aram fan ni gag SOMOL e kug fal’eg wa’athan e re rran nem ma kug tay nib thothup.

Genesis 46:34

me lungumed, ‘Gamanman e ug gafaliyed ni ka gamad bbitir ke mada’ ko chiney ni bod ni i rin’ pi chitamngimad ni kab kakrom i yib.’ Ya ara’ rogon me yag ni mpired u lan e nug nu Goshen.” I yog ngorad ni aram rogon ni bochan e girdi’ nu Egypt e daburad e pi’in yad ma gafaliy e saf.