Exodus 8:21 - Bible Ni Thothup

²¹ Fa’anra dab mu pag e girdi’ rog ngranod, ma nggog ngom ni bay gu pi’ e lal nge yib ngom, nge ngak e pi tolang ni yad bay u tan pa’am, nge ngak e girdi’ ko nam rom, nge ngalan e pi naun rom, nge ngalan e’pi naun rok piyu Egypt, nge mus nga daken e gi but’ ni yad ba sak’iy riy ni bayi sug ko lal.

Exodus 8:21 Referans Kwoze

Isaiah 7:18

“Ra taw ko ngiyal’nem, me falgernag SOMOL yu Egypt ni ngarbad ni yad bod e lal ko fa yu pa’ i lul’ nrib orel ni yib ko fare lul’ ni Nile fithingan, ma ku bayi yodoromnag yu Assyria ngarbad ngaray ko nam rorad ni yad bod e ngul.

Psalms 105:31

Me non Got me sugnag e lal nge yinuk lan e nam ni ga’ngin.

Psalms 78:45

Me pi’ e lal nge yib nga fithik’rad nge gafgow nagrad nge kayru ni gathay taferad.

Exodus 8:20

Me ga’ar SOMOL ngak Moses, “Nga mman nri kakadbul ngam mada’gow fare pilung ko ngiyal’ nike yan riy ko lul’, ngamog ngak ni be ga’ar SOMOL, ‘Mpag e girdi’ rog ngranod nge yag nra meybilgad ngog.

Exodus 8:22

Rofen nem e bay gu tay e nug nu Goshen, ni gin be par e girdi’ rog riy, nge par ni dariy e lal riy, ni fan e ngam nang ni gag SOMOL e gu be maruwel u daken e re nam ney.

Exodus 8:24

Me rin’ SOMOL e ren’ey, me yib e lal ni pire’ ni pire’ ngalan e naun rok Farao, nge ngalan e naun rok e pi tolang ni yad bay u tan pa’, nge nam nu Egypt ni ga’ngin. Me kirebnag e lal e nam.

Exodus 10:6

Bay ra suguyed lan e pi naun rom nge lan e naun rok e pi tolang ni bay u tan paam nge naun rok e girdi’ ko nam rom ni gubin. Ra yan i par ni ir e th’abi tagan u fithik’ ban’en ni gomanga ka’a guy pi chitamam ara pi chitamngin pi chitamam nnap’an nrabad ko re nam ney.’” Me cheal Moses nge chuw rok Farao.