Exodus 7:23 - Bible Ni Thothup

²³ Me cheal Farao nge sul nga tafen, ndariy fan u wan’ e n’en nike rin’ e ran.

Exodus 7:23 Referans Kwoze

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.

Habakkuk 1:5

Me ga’ar SOMOL ngak e tirok e girdi’, “Mu changargad ngak e pi nam ni yad bay u to’obmed i yan, mi gimed ra gin ko pin’en ni gimed ra guy. Bay gu rin’ ban’en ni gimed ra rung’ag murung’agen ma dabi riyul’ u wun’med.

Ezekiel 40:4

Me ga’ar ngog, “Fak e girdi’, mu changar. Mu l’eg telim mag fal’eg i guy e tin nggu dag ngom, ya arfan ni kan fekem e ngaray. I gur e ngamog ngak e girdi’ nu Israel urngin e tin ngam guy.”

Jeremiah 36:24

Ma dariy bagyad fapi tolang ara fare pilung ni rung’ag urngin e pin’ey ni rus ara m’ug rok nike kirban’.

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.

Proverbs 29:1

Fa’anra urngin ngiyal’ nra un fanow nagem ma ga be gelnag lanin’um, mra yan i reb e rran ma bay mu parde’ u but’ ni dabkum gol.

Proverbs 24:32

Mug guy e ran’ey mu gu tafnenag rogon, ma aram mu gu fil ban’en riy:

Proverbs 22:17

Motoyil, nggu fil ngom e tin ni yog e pi’in gonop. Mu fil e machib rorad,

Psalms 62:10

Dabi pagan’med nga fanmed yargal; dabi l’agan’med ko n’en ni yibe iring; ma ku ra mun daken e fel’ rogon romed, ma dabi pagan’med ngay.

BABYOR NI JOB 7:17

Mang nrib ga’fan u wun’um e girdi’? Mang ni ga ma yip’ owchem ko pin’en ni yad ma rin’?

1 Samuel 4:20

Ma be yib e yam’ ngak, me ga’ar fapi ppin ni yad be ayuweg, “Mu gelnag lanin’um! Ya ba pumo’on fakam.” Machane de motoyil ngay ara fulweg.

Deuteronomy 32:46

me ga’ar, “Thingar mu folgad u urngin e pi thin ney ni kug pi’ ngomed e daba’. Mu weliyed ngak pifakmed, ya ngar folgad u urngin e machib rok Got u fithik’ e yul’yul’.

Exodus 9:21

Machane boch e girdi’ e dar motoyilgad ko tin keyog SOMOL, miyad pag e sib rorad nge gamanman rorad u wean.

Exodus 7:22

Ma pi tapig u Egypt e ra piggad miyad rin’ ni aram rogon me yog rorad, fin aram e ri gelnag fare pilung laniyan’. Ma de fol ko thin rok Moses nge Aron, nri bod rogon ni fa’ani yog SOMOL.

Exodus 7:24

Ma urngin piyu Egypt nra kired e low u to’oben e lul’ ni fan ko ran ni nga ni unum, ya dabkiyag ni ngar unumed e ran u lan e lul’.

Exodus 9:20

Ma boch e pi tolang u tan pa’ Farao e rrusgad ni bochan e tin keyog SOMOL, miyad fek e sib rorad nge gamanman rorad nga naun.

Proverbs 28:14

Mu fol rok SOMOL ni gubin ngiyal’ ma ga ra par ni ga ba felfelan’. Ma fa’anra ga ba gelan’ ma ga ra gafgow.

Isaiah 47:7

Ka mu leamnag ni yug bay um par ni gur e bpin ni pilung, ma dam tay e pin’ey u lanin’um ara mu leamnag rogon ni bayi yan i aw.