Exodus 6:23 - Bible Ni Thothup

²³ Me le’engiy Aron Elisheba ni be’ ni bpin ni fak Amminadab ma walagen Nahshon; miyow diyennag Nadab, Abihu, Eleazar, nge Ithamar.

Exodus 6:23 Referans Kwoze

Numbers 2:3

Ba’ ni ngek ko fare Tent, e nge n’uf e ba’ rok Judah e girdi’ e pi Tent rorad riy u tan e gi rorad e flak, u tan lungun e en mitethin, ni bod ni ba’aray: Ganong Mitethin Urngin e girdi’ Judah Nahshon nib mo’on ni fak Amminadab 74,600 Issakar Nethanel nib mo’on ni fak Zuar 54,400 Zebulun Eliab nib mo’on ni fak Helon 57,400 Urnginrad u gubin: 186,400 Ba’ rok Judah e girdi’ e yad e ngar m’oned.

1 Kronicles 6:3

L’agruw e pumo’on ni fak Amram: Aron nge Moses, nge ta’reb e bpin ni Miriam. Aningeg e pumo’on ni fak Aron: Nadab, Abihu, Eleazar, nge Ithamar.

1 Kronicles 2:10

Irera’ fare um i girdi’ ni tabab rok Ram nge mada’ ngak Jesse: Ram, Amminadab, Nahshon (be’ nib mo’on nib ga’fan u lan fare ganong rok Judah),

Matthew 1:4

me Ram e chitamngin Amminadab; me Amminadab e chitamngin Nahshon; me Nahshon e chitamngin Salmon;

Numbers 20:25

Mu fek Aron nge fare mo’on ni fak ni Eleazar ngam marod nga daken e burey ni Hor,

Exodus 24:9

Me yan Moses, Aron, Nadab, Abihu nge fa melip i ragag e pi’in yad ma yog e thin rok piyu Israel nga daken fare burey,

Exodus 24:1

Ma ke ga’ar SOMOL ngak Moses, “Mired Aron, nge Nadab, nge Abihu, nge medlip i ragag u fithik’ fapi girdi’ ni yad ma yog e thin rok piyu Israel nga daken e burey; ma nap’an e ki gimed bay nga orel, mi gimed siro’ nga but’ ni gimed be liyor.

Luke 1:5

Ngiyal’ i n’en ni ba’aram ni Herod e pilung u Judea, e immoy ba prist ni Zakariah fithingan, ni ir reb e tirok’ Abiah e prist. Ma fithingan e bpin rok e Elisabeth, ni ku ir be’ ni yib u ba tabinaw ni ba’aram nma yib e prist riy.

Levitikus 10:12

Me ga’ar Moses ngak Aron nge fa gali pumo’on ni fak ni kar magey gow, ni aram Eleazar nge Ithamar, “Mu feked fare maligach ni grain ni ke’aw ko fapi ggan ni kan pi’ ngak SOMOL ngam ngongliyed e flowa riy ndab ntay e is ngay ngam ked u to’oben fare altar, ya re maligach ney e rib tabgul.

Exodus 28:1

“Mu pining Aron ni walagem nge pifak ni pumo’on ni aram Nadab, Abihu, Eleazar, nge Ithamar. Mu faelrad nga bang u fithik’ piyu Israel, ya ngar manged tapigpig rog ni prist.

Levitikus 10:6

Me ga’ar Moses ngak Aron nge fa gali pumo’on ni fak ni aram Eleazar nge Ithamar, “Dab mu ted lolgumed ndab kum raweyed ara mu guchthiyed e mad romed ni gimed be dag ni be taganan’med. Ya gimed ra rin’, ma gimed ra yim’, mra damumuw SOMOL ngak yu Israel ni ga’ngin. Machane urngin e girdi’ nu Israel ni yad ra yornag faglicha’ ni li’row fare nifiy ni SOMOL e pi’ nge yib.

Numbers 20:28

me chuweg Moses e mad ko prist u daken Aron me yin’ nga daken Eleazar. Me yim’ Aron u rom u daken p’ebugul e burey, me sul Moses nge Eleazar u daken fare burey nga but’.

Joshua 24:33

Me yim’ Eleazar nib mo’on ni fak Aron min k’eyag u Gibeah, chi binaw nem e bay u Efraim ni go’ burey nni pi’ ngak Finehas nib mo’on ni fak.