Exodus 6:16 - Bible Ni Thothup

¹⁶ I Levi e dalip e pagel ni fak ni aram e Gershon, Kohath, nge Merari; yad e chitamngin e yuke girdi’ nni tunguy fithingirad ngorad. Me Levi e par ni bfos nge gaman 137 e duw rok.

Exodus 6:16 Referans Kwoze

Numbers 3:17

Irera’ e pi pumo’on ni fak Levi nge fithingrad: Gershon, Kohath nge Merari.

Genesis 46:11

Nge Levi nge pifak ni pumo’on: Gershon, Kohath nge Merari.

1 Kronicles 6:16

Dalip e pumo’on ni fak Levi ni aram Gershon, Kohath, nge Merari.

1 Kronicles 6:1

Dalip e pumo’on ni fak Levi: Gershon, Kohath, nge Merari.

Numbers 26:57

Fare ganong ko Levi: e fa yuke girdi’ rok Gershon, Kohath, nge Merari.

1 Kronicles 23:6

Me ki’eg David e piyu Levi nge dalip ulung ni aram fa dalip ke girdi’: Gershon, Kohath, nge Merari.

Exodus 6:20

I Amram e le’engiy Jokebed ni be’ ni bpin ni walagen e chitmangin, miyow diyennag Aron nge Moses. I Amram e par ni bfos nge yan i gaman 137 e duw rok.

Exodus 6:18

Kohath e aningeg e pagel ni fak ni Amram, Izhar, Hebron, nge Uzziel. Me Kohath e par ni bfos nge gaman e 133 e duw rok.

Genesis 50:26

Ma aram me yim’ Josef nike gaman 110 e duw yangren. Mi ni fal’eg rogon u Egypt ni nge dabi kireb, min tay ngalan ba kahol.

Genesis 47:28

Me par Jakob u Egypt ni ragag nge medlip e duw nge mada’ ko ngiyal’ nike gaman 147 e duw yangren.

Genesis 35:28

I par Isak nib fos nge gaman e 180 e duw yangren.

Exodus 2:1

Be’ nib mo’on ni yib ko ganong rok Levi e le’engiy be’ ni bpin ni yib ko re ganong nem.

Genesis 46:9

nge pi pumo’on ni pifak Ruben: Hanok, Pallu, Hezron, nge Karmi.

Numbers 3:18

Ma ba’aray fithingan e gal pumo’on ni fak Gershon ni Libni nge Shimei ni ku aram ngachlen e gal ke girdi’ nem.

Numbers 3:19

Ma pifak Kohath ni pumo’on nge fithingrad: Amram, Izhar, Hebron nge Uzziel ni aram ngachlen e yu kaen nem e girdi’.

Numbers 3:20

Ma pifak Merari ni pumo’on: Mahli nge Mushi. Yad e pichitamngin e pi tabnaw ni aram rogon fithingrad.

Numbers 3:21

Fare ke girdi’ rok Gershon e yib fa gal tabnaw rok Libni nge Shimei riy.

Numbers 16:1

I Korah nib mo’on ni fak Izhar, ni be’ ko genong ni Levi ko fare ke girdi’ rok Kohath e togopluw nga rogon ni be gafaliyrad Moses. Me un dalip i girdi’en e ganong ni Ruben ngak ni aram Dathan, nge Abiram, nl’agruw i pumo’on ni fak Eliab, nge On nib mo’on ni fak Peleth, nge 250 e tayugang’ nu Israel ni go’ yimnangrad nike mel’egrad gubin e girdi’.

Joshua 21:4

Pi tabnaw ko fare ke girdi’ rok Kohath u lan e ganong rok Levi e th’abi som’on nni pi’ boch e binaw ngorad. Pi tabnaw ni owchen Aron ni prist e npi’ ragag nge dalip e binaw u daken e gin tafen Judah, Simeon nge Benjamin.

Joshua 21:6

Fare ke girdi’ rok Gershon e ni pi’ ragag nge dalip e binaw ngorad u daken e gin tafen Issakar, Asher, Naftali, nge ba’ ni Ngek e Manasseh.

2 Kronicles 29:12

Tin ba’aray e pi Levite ni ur moyed u rom: Fare ke gird’ rok Kohath, e Mahath nib mo’on ni fak Amasai, nge Joel nib mo’on ni fak Azariah Fare ke girdi’ rok Merari, e Kish nib mo’on ni fak Abdi, nge Azariah nib mo’on ni fak Jallelel Fare ke girdi’ rok Gershon, e Joah nib mo’on ni fak Zimnah, nge Eden nib mo’on ni fak Joah Fare ke girdi’ rok Elizafan, e Shimri nge Jeuel Fare ke girdi’ rok Asaf, e Zekariah, nge Mattaniah Fare ke girdi’ rok Heman, e Jehuel nge Shimei Fare ke girdi’ rok Jeduthun, e Shemayah nge Uzziel

Revelation 7:7

ma ragag nge l’agruw i biyu’ e yib ko ganong rok Simeon; ma ragag nge l’agruw i biyu’ e yib ko ganong rok Levi; ma ragag nge l’agruw i biyu’ e yib ko ganong rok Issakar;