Exodus 6:13 - Bible Ni Thothup

¹³ Me yog SOMOL ngak Moses nge Aron ni ngranow ra weliyew ngak piyu Israel nge pilung nu Egypt, nike yog ngorow ni ngar gafaliyew yu Israel nga wuru’ e nam nu Egypt.

Exodus 6:13 Referans Kwoze

2 Timothy 4:1

Ri gu be ta’chiylen ngom u p’eowchen Got nge Kristus Jesus ni ir e bayi pufthinnag urngin e girdi’, ni pi’in kayad bfos nge pi’in karm’ad: ere bochan e wub rok nge gagiyeg rok ma aram fan ni gu be ta’chiylen ngom

1 Timothy 6:13

Gu be ta’chiylen ngom u p’eowchen Got, ni ir e ma pi’ e yafos ngak urngin ban’en, ngu p’eowchen Kristus Jesus, ni fa’ani ir e weliy fare welthin ni bfel’ u p’eowchen Pontius Pilate ni be lungug:

1 Timothy 5:21

Ri gu be non ngom u p’eowchen Got, nge Kristus Jesus, nge pi engel nib thothup ni ngam fol ko pi thin ney, ma urngin ban’en ni ga ra ngongliy ma dab mu dabuy daken be’ ara mu fol ngak be’.

1 Timothy 1:18

Timothy ni fakag, kug pag fan e re bugithin ney ngom, ni bod rogon e thin nni yi’iynag nike n’uw nap’an ni murung’agem. Pi thin ney e ir e nge mang talin e cham rom ko cham ni ga be tay nib mat’aw,

Psalms 91:11

Ra pi’ Got e pi engel rok ngu’ur matanagiyed gur, ma yad be yoror rom ko gin ga be yan riy i yan.

Deuteronomy 31:14

Me ga’ar SOMOL ngak Moses, “Daki n’uw nap’an ni ngam par ko biney e tamilang. Mpining Joshua ngam fek i yib ko fare Tent ko M’ag rok Got, ya nge yag ni gu weliy ngak e pin’en ni ngi i rin’.” Me yan Moses nge Joshua ko fare Tent,

Numbers 27:23

me tay pa’ nga daken lolugen me yog nike yan Joshua nga luwan ni bod ni yog SOMOL.

2 Timothy 2:4

Ba salthaw ni be un ko mael e der ma un ko tin be muruwliy e girdi’ ni gathi salthaw, ya ba’adag ni nge yan nga laniyan’ e en ni pilungen e ba’ rok e salthaw.

1 Timothy 6:17

Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.

Matthew 4:6

me ga’ar ngak, “Fa’anra Fak Got gur, ma ga og nga but’; ya be ga’ar e babyor nib thothup, ‘Ra yog Got ngak e pi engel rok e n’en ni ngar rin’ed ngom; ma bay ra feked gur i yan nga but’, ni dabi maad’ad em ko malang.’ ”

Numbers 27:19

Ngam fek nga p’eowchen Eleazar ni prist nge yu Israel, mu rom u p’eowcherad ni yad gubin e ngamog riy nike yan nga luwam.

Exodus 6:12

Machane me fulweg Moses ni ga’ar, “Fa’anra mus ngak piyu Israel ni darir motoyilgad ngog, ma mangfan e en pilung ni nge motoyil? Ya gag e gu ba kirkireb ko welthin.”

Exodus 6:14

Bin nganni’ u fak Jakob e Ruben ni aningeg e pagel ni fak ni aram Hanok, Pallu, Hezron, nge Karmi; yad e pi chitamngin e yuke girdi’ nni tunguy fithingarad ngorad.

Exodus 6:26

Aron nge Moses e ireram faglicha’ ni ga’ar SOMOL ngorow, “Mu pow’iyew fapi ganong nu Israel nga wuru’ yu Egypt.”