Exodus 6:1 - Bible Ni Thothup

¹ Me ga’ar SOMOL ngak Moses, “Chiney e bay mu guy e n’en ni bay gu rin’ ngak Farao. Bay gu gel nigeg ngak nge pagrad ngranod. Ara’ rogon, bay gu gel nigeg ngak nge mang ir e yog ngorad ni ngar chuwgad u daken e nam rok.”

Exodus 6:1 Referans Kwoze

Exodus 12:33

Me tay piyu Egypt e gur ngak piyu Israel ni ngar gurgad ngar chuwgad u Egypt; ya lungurad, “Fa’anra dab mu chuwgad ma gamad gubin ni bay gu m’ad.”

Psalms 136:12

nga rifrifen pa’ nib gel’, nge pa’ nib gel gelngin; t’ufeg rok e ba manemus.

Exodus 12:39

Ra lithed e flowa nda nin’ e is ngay nra feked ko fapi flowa ni kan gelgiy u Egypt, ni bochan e nog ngorad nib tomgin ni ngar chuwgad u Egypt. Ere dakiyag nra ngongliyed e ggan ara ra ngongliyed ni bay e is riy.

Exodus 12:31

Ka re nep’ i n’em me l’oeg Farao e thin nge yan ngak Moses nge Aron ni ngarbow ngak, me ga’ar ngorow, “Gimew nge piyu Israel e ngam gurgad ngam chuwgad u Egypt; mu chuwgad u fithik’ e girdi’ rog ngam marod ngam meybilgad ngak SOMOL, ni bod rogon ni kam wenig nigew ngog.

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.

Exodus 11:1

Me ga’ar SOMOL ngak Moses, “Ri ka ta’reb e gechig ni nggu pag nga daken Farao nge piyu Egypt. Ma nap’an nra mu’, ma aram e bayi pagmed ngam marod. Nap’an nra pagmed ngam marod, ma ri gimed gubin nra chuwegmed u roy.

Isaiah 63:12

Bu uw SOMOL, ni rin’ u gelngin bogi maang’ang u pa’ Moses, i sey e day u maday me gafaliy e girdi’ rok u t’ay e regur ya nge gilbuguwan SOMOL ndariy n’umngin nap’an?”

Psalms 89:13

Ri gab gel! Ri ba ga’ gelngim!

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

2 Kronicles 20:17

Gathi gimed e ngam chamgad u fithik’ e re mael ney, kemus ni ngam fal’eged rogomed nga tagil’med mi gimed son; bay mu guyed ni SOMOL e nge gel nagmed. Girdi’ nu Judah ngu Jerusalem dab mtuntungad fa mu rusgad. Mmarod ko mael, ma bayi un SOMOL ngomed!”

2 Kings 7:19

me ga’ar fare salthaw nma un ngak e pilung, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

2 Kings 7:2

Ma fare salthaw nib tolang ni un ngak fare pilung e ga’ar ngak Elisa, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

Deuteronomy 4:34

Ka’ e yigi yan reb e got i fek e girdi’ u reb e nam ngar manged girdi’ rok, ni bod ni rin’ SOMOL ni Got romed ngomed u lan e nam nu Egypt? U p’eowchemed e maruwel Got riy nga gelngin nib gel nge yib e gafgow nge mael, me ngongliy e maang’ang nge tin yira ngat ngay, me k’aring boch ban’en nge yib ni ba gel e marus riy.

Numbers 23:23

Dariy ba mmotokan ara bmit e pig, Nra yib angin ko nam nu Israel. Chiney e bayi yog e girdi’ murung’agen yu Israel ni bayi lungurad, ‘Mu sapgad ko tin nike rin’ Got!’

Exodus 14:13

Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”

Exodus 13:3

Me ga’ar Moses ngak fapi girdi’, “Ngam ted u wun’med e rofen ney — irera’ e rofen nim chuwgad u lan yu Egypt ko gin um sibgad riy. Ya re rran ney e maruwel SOMOL nga gelngin nib gel nge fekmed nga wuru’ fare binaw. Dab mu koyed e flowa ni bay e is riy.

Acts 13:17

Fare Got rok e girdi’ nu Israel e ir e mel’eg e pi chitamangidad, me fal’eg rogorad me yo’ornagrad ko fare ngiyal’ i n’em ni ur pired u lan e nam nu Egypt ni gathi nam rorad. Me fekrad Got nga wuru’ yu Egypt ni maruwel nga gelngin nib gel,

Exodus 7:5

Ngiyal’ i n’en ni gu ra pug pa’ag ngalang ni nge togopluw ngorad mu gu fek piyu Israel nga wuru’ fare nam, ma aram e bayi nang yu Egypt ni Gag fare SOMOL.”

Exodus 15:6

“SOMOL, ba’ ni mat’aw i pa’am e rib th’ab feni gel; ke tet’ar e pi to’ogor kar yochyanggad.

Exodus 13:9

Ran’ey nru’um rin’ed e bod ban’en ni kam m’agged nga pa’med fa nga peri’med ni ngi i puguran ngomed ndab mtalgad i weliy murung’agen ngak boch e girdi’, ma gimed be fil e Motochiyal rok SOMOL, ni bochan gelngin SOMOL nib gel e fekmed riy nga wuru’ yu Egypt.

Exodus 13:14

Mra yani daken bi’id ni fith pifakmed ni pumo’on ko mangfan ni gimed be tayfan e rofen ney, mi gimed fulweg ni nge lungmed, ‘Bochan gelngin SOMOL nrib gel e fekmad riy nga wuru’ yu Egypt ni fare nam ni ug sibgad riy.

Exodus 13:16

Ran’ey ni gadad ma rin’ e ra puguran ngodad, ni bod ban’en ni kan m’ag nga pa’dad ara nga peri’dad ni ngi i puguran ngodad ni SOMOL e ke fekdad nga wuru’ yu Egypt u gelngin nib gel.’”

Numbers 11:23

Me fulweg SOMOL ni ga’ar, “Gur bay ban’en ndabiyag rog? Daba’ e bay mu guy ko ra yib i m’ug nib riyul’ e tin kugog ngom fa dangay!”

Psalms 12:6

Tin ma micheg SOMOL e rayag ni nge pagan’uy ngay; bod feni fel’ e silber, ni kan urfiy ke be’ech u mit e nifiy ni medlip yay.