Exodus 5:21 - Bible Ni Thothup

²¹ me lungurad ngorow, “I SOMOL e be guy e tin kam rin’ew, ma bayi gechig nagmew ni bochan e gimew e kam k’arngew i Farao nge pi tolang ni bay u tan pa’ kar fananikayed gamad. Gimew e ka mu k’arngew ni nge yib tapgin ni ngan thang e fan romad.”

Exodus 5:21 Referans Kwoze

Genesis 34:30

Me ga’ar Jakob ngak Simeon nge Levi, “Kam tew e oloboch nga puluwog; ni aram e bayi dabuyeg piyu Kanaan, nge Perizzites, nge gubin e girdi’ ko re binaw ney. Ma gadad buchu’uw; mra chey ni ta’reb lungrad ni ngar togopluwgad ngar chamgad ngog, ma ga’ngin e re ke girdi’ rodad ney nra math owcharad.”

1 Kronicles 19:6

Me nang Hanun ni Pilung nge piyu Ammon ni aram e yad e ka ra k’arnged David kemang to’ogor rorad, ma aram miyad pi’ gonap’an aningeg i ragag e ton e silber ni pulwon e chariot nge pi’in nge yannag ni bogi pumo’on u Mesopotamia ngu Maakah ngu Zobah ni l’agruw yang i nug nu Syria.

2 Samuel 10:6

Ma kenang piyu Ammon ni kar k’aringeded David ke mang to’ogor rorad, ma aram mar pi’ed puluwon 20,000 e pi salthaw nu Syria ni yad bay u Bethrehob ngu Zobah, nge 12,000 e pi pumo’on nu Tob, nge fare pilung nu Maakah ni bay 1,000 e salthaw rok.

1 Samuel 27:12

Machane Akish e pagan’ ngak David me ga’ar u laniyan’, “Girdi’ rok David u Israel e kar fananikayed daken ni rib gel ere aram e bay i pigpig ngog u n’umngin nap’an e yafos rok.”

1 Samuel 13:4

Me rung’ag piyu Israel ni yad gubin nike li’ Saul pilungen e salthaw rok e pi Filistine, ma aram fan ni kari dabuy e pi Filistine daken piyu Israel. Me mu’ulung piyu Israel ngak Saul u Gilgal.

Exodus 6:9

Me yan i weliy Moses e pi thin ney ngak piyu Israel, machane dar motoyilgad ngak, ya ke mulan’rad ko maruwel ni sib ni yad be tay.

Genesis 16:5

Ma aram me ga’ar Sarai ngak Abram, “Ren’ey ni be changar Hagar ngog nga but’ e gur e kireb rom. I gag e gu pi’ e sib rog ngom, ma ka nap’an ni pir’eg rok nike diyen ma aram e be changar ngog nga but’. I SOMOL e bayi turguy e arodow ni ir e bfel’.”

Joel 2:20

Bay gu chuweg romed e pi asmen’ing ni karbad ngomed u lel’och, ma bay gu tuluf boch i yad nga daken e yungi ted nder tugul ban’en riy. Tin ni bay nga m’on e bay ntulufrad ngalan fa gi day ni Dead Sea fithingan, ma tin ni bay nga tomur e bay ntulufrad ngalan fa gi day ni Mediterranean fithingan. Bay ra mel gad. Bay gu thang owcharad ni bochan urngin e tin kar rin’ed ngomed.

Eklesiastes 10:1

Lal nike yim’ e rayag ni nge kirebnag bon ba melor i florida, ma bochi ngongol ni pinat e rayag ni thang e bin th’abi ga’ e gonop.

Exodus 14:11

Me lungurad ngak Moses, “Bochan e dariy e taliw ko yam’ u Egypt ma aram fan ni kam fekmad i yib ngaray nga daken e ted ni desert ni nggu m’ad? A mu guy e n’en ni kam rin’ ngomad ni bochan e kam fekmad nga wuru’ yu Egypt!

Exodus 4:31

Me mich u wun’rad, ma fa’an rrung’aged nike yib SOMOL ngorad ke guy gelngin e gafgow ni yibe tay ngorad, miyad siro’ ngar pininged e magaer ngak Got.

Genesis 31:53

Fare Got rok Abraham nge Got rok Nahor e bayi pufthin nagdow.” Ere u daken fithingan fare Got ni i liyor Isak ni chitamngin ngak, me michmicheg Jakob ni nge tay u gil e tin ke ognag.

Exodus 5:20

Nap’an nra paged Farao, miyad mada’ Moses nge Aron ni yow be son nagrad,

Exodus 15:24

Mu ur gun’gun’gad nib togopluw ngak Moses, miyad fith ngak ni lungurad, “Mang e nggu unumed?”

Exodus 16:2

Miyad gubin nra gun’gun’gad nib togopluw ngak Moses nge Aron u rom u lan e ted ni desert,

Numbers 14:3

Mangfan ni nge fekdad SOMOL i yan ngalan e re nam nem? Ya yira li’dad u fithik’ e mael, min fek pi le’engidad nge pi fakdad. Gathi kabfel’ ni gadad ra sul nga Egypt?”

Numbers 14:22

e aram feni riyul’ ndariy bagayad e pi girdi’ ney nra par nib fos nge yan ngalan e re nam nem. Kar guyed rama’eg nib mluplup’ ni be gal ni aram gag ni gu bay, nge pi maang’ang ni kug ngongliy u Egypt ngu daken e ted, machane yugu yad be togopluw ngog ma daburad ni ngar folgad rog.

Isaiah 30:6

Ba’aray e thin nike yog Got ni murung’agen e pi gamanman nma par ko fa gi ted ni desert ni bay ko yimuch ni be ga’ar: “Pi’in owchen e nam nga reb nam e yad be milekag u daken e ted ni yad be yan u thathren e riya’, ya bay e gamanman ni layon riy, nge porchoyog ni bay e yub u l’ugun, nge dragon nma changeg. Ka ra sug niged daken keru’ e gamanman rorad ni dongki nge kamel ko tow’ath nib tolang puluwon ni tow’ath rorad ngak ba nam ndabiyag ni nge pi’ e ayuw ngorad.