Exodus 5:19 - Bible Ni Thothup

¹⁹ Girdi’ nu Israel ni yad ba ga’ u taban e maruwel e ra nanged ni aram e kar gafgowgad ko ngiyal’ ni ba’aram nnog ngorad ni thingar ngongliyed e rengnga u reb e rran ni bod urngin ni ur ngongliyed ko som’on.

Exodus 5:19 Referans Kwoze

Eklesiastes 5:8

Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Eklesiastes 4:1

Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Deuteronomy 32:36

I SOMOL e bayi ayuweg e tirok e girdi’ u pa’ e to’ogor rorad ko ngiyal’ nra guy ni kem’ay gelngirad. Bayi runguy e pi’in yad be pigpig ngak ko ngiyal’ nra guy ni’in i yad e ke magey.

Exodus 5:8

Machane ku urngin e rengnga ni ur ngongliyed ko som’on e ku aram oren ni yad ra ngongliy, dab rlich niged. Dakrir gaman gad ko maruwel, aram fan ni yu guyad be yog ngog ni nggu pagrad ngranod ra pi’ed e maligach ngak e Got rorad!

Exodus 5:18

Mu sulod e chiney ko maruwel romed. Ma dab ni pi’ e pan nike mlik ngomed; machane thingar mu ngongliyed urngin e rengnga ni bod oren ni um ngongliyed.”

Exodus 5:20

Nap’an nra paged Farao, miyad mada’ Moses nge Aron ni yow be son nagrad,