Exodus 5:1 - Bible Ni Thothup

¹ Ma aram me yan Moses nge Aron ngak Farao me lungurow ngak, “Ba’aray e thin nike yog SOMOL, ni ir fare Got rok piyu Israel, ke ga’ar, ‘Mu pag e girdi’ rog ngranod ngar ngongliyed ba madnom u lan e ted ni desert ngar liyorgad ngog.’

Exodus 5:1 Referans Kwoze

Exodus 10:9

Me fulweg Moses ni ga’ar, “Gamad gubin ni nggu warod, nra un pifakmad nge pilibthir romad; bayi un ngomad pifakmad ni pumo’on, nge ppin, nge pi saf, nge pi kaming, nge pi garbaw ni fakmad, ya thingar gu ngongliyed ba madnom ni fan ngak SOMOL.”

Acts 4:29

Somol, mu changar ko tin karogned ni yad ra rin’ ngomad, ma ga ayuwegmad e pi tapigpig rom nggu weliyed e thin rom ndab kug rusgad.

1 Kings 21:20

Ma fa’ani guy Ahab Elijah me ga’ar, “To’ogor rog, kam piri’egeg.” Me ga’ar Elijah, “Er rogon, kug piri’egem. Kam par ni tin nib kireb u p’eowchen SOMOL e ga be ngongliy.

Exodus 3:18

Girdi’ rog e yad ra motoyil ko n’en bay mog ngorad. Ma aram e thingar mman ngak e pilung nu Egypt ni gimed e pi’in yad be yog e thin rok piyu Israel nge lungum ngak, ‘I SOMOL, ni ir e Got rok e Hebrew e ke m’ug ngomad. Wenig ngom, mu pagmad nggu milekaggad nga daken e ted ni desert ni dalip e rran ma gamad taw, nggu pi’ed e maligach ngak SOMOL ni Got romad.’

1 Korinth 5:8

Ere gathi flowa ni bay fa bin kakrom e is riy ni aram e denen nge ngongol nib kireb e ngad madnom niged e madnom rodad ngay, ya ngad madnom niged e madnom rodad ko flowa ni dariy e is riy, ni flowa ko machalbog nge tin riyul’.

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Matthew 10:18

Ma bay ni pufthin nagmed u p’eowchen e pi’in ba ga’ lungurad nge pi pilung ni bochag, ni bochan e nga mogned e Thin Ni Bfel’ ni yib rok Got ngorad nge ngak e pi’in gathi yad piyu Israel.

Ezekiel 2:6

“Me gur e en ni fak e girdi’ e thangri dab mu rus ngorad fa mu rus ko tin yad ra yog ngom. Bay ra longobiyed gur ni yad bod e rachangal ni longobiyem; ni gowa ga be par u fithik’ e awol. Machane dab mu rus ko pi tatogopluw nem ara tin bay rogned.

Isaiah 25:6

U roy u daken e Burey ni Zion e bayi fel’eg SOMOL ni Gubin ma Rayag Rok ba mur ni fan ko gubin e nam u fayleng — ba mur ni ggan nge wayin th’abi fel’ e yira pi’ riy.

Psalms 119:46

Bay gu weliy e tin kamog ni ngan rin’ ko pi pilung ni dab gu tamra ngay.

Exodus 4:23

Kugog ngom ni ngam pag fakag nge yan, ni fan e nge yag ni meybil ngog, machane kam siyeg. Ere bay gu thang e pogofan rok e bin nganni’ i fakam.’

Exodus 6:11

“Mman mog ngak Farao, ni ir e pilung nu Egypt, ni thangri pag piyu Israel ngar chuwgad ko nam rok.”

Exodus 6:27

Yow fagali cha’ nrogew ngak Faraoh ni pilung nu Egypt ni nge pag e girdi’ nu Israel ngar chuwgad u Egypt.

Exodus 7:16

Me lungum ngak, ‘I SOMOL, ni Got rok e Hebrew e ke l’ugeg ni nggub gog ngom, ni ngam pag e girdi’ rok ngranod ngar meybilgad ngak u lan e ted ni desert. Machane ke mada’ ko chiney ma dawor mu fol riy.

Exodus 8:1

Me ga’ar SOMOL ngak Moses, “Mman ngak Farao ni pilung ngamog ngak ni be ga’ar SOMOL, ‘Mpag e girdi’ rog ngranod nge yag nra meybilgad ngog.

Exodus 8:20

Me ga’ar SOMOL ngak Moses, “Nga mman nri kakadbul ngam mada’gow fare pilung ko ngiyal’ nike yan riy ko lul’, ngamog ngak ni be ga’ar SOMOL, ‘Mpag e girdi’ rog ngranod nge yag nra meybilgad ngog.

Exodus 33:13

Fa’anra aram rogon, me ere mog ngog e tin ka mu tanomnag, nge yag ni ug fol rom ngki i par ni gub fel’ u wun’um. Dab mu pag talin ni gur e ka mu mel’eg e re nam ney ni nge milfan ngom.”

Exodus 7:2

Mog ngak Aron urngin e tin kugog ngom, me ir e bayi weliy ngak fare pilung ni nge pag piyu Israel ngar chuwgad ko nam rok.

Exodus 8:16

Me ga’ar SOMOL ngak Moses, “Mog ngak Aron, ni nge toy e sog rom nga daken e but’, me pig e fiyath nge ngal’ ni yochi lal u daken e nam u Egypt ni ga’ngin.”

Exodus 8:17

Ma aram me fek Aron e sog rok, me k’iyag pa’ ngalang me toy ko fiyath u but’. Me ngal’ e fiyath ni yochi lal nge yib ngak e girdi’ nge gamanman; urngin e fiyath ni bay u Egypt ni ngal’ ni yochi lal.

Exodus 8:27

Thingar gu milekaggad ni dalip e rran i yan ngalan e ted ni desert nggu pi’ed e maligach ngak SOMOL ni ir e Got romad, ni bod rogon nike yog ngomad ni nggu rin’ed.”

Exodus 9:1

Me ga’ar SOMOL ngak Moses, “Mman ngak Farao ngamog ngak ni SOMOL, ni ir e Got rok e Hebrew e be ga’ar, ‘Mpag e girdi’ rog ngranod, nge yag ni ngar meybilgad ngog.

Exodus 9:2

Fa’an ka ga ra siyeg ndab mpagrad ngranod,

Exodus 10:3

Ma aram me yan Moses nge Aron ngak Farao, me lungurow ngak, “Ba’aray e thin nike yog SOMOL, ni ir e Got ko Hebrew, ‘Uw n’umngin nap’an ni ngu’um par ndab mu rin’ e tin gu be yog? Mpag e girdi’ rog ngranod ngar meybilgad ngog.

Exodus 10:4

Ya ra dab mu pag e girdi’ rog ngranod, ma gabul e bay gu l’oeg e asmen’ing nge yib nga daken e nam rom.