Exodus 40:34 - Bible Ni Thothup

³⁴ Ma aram me yib bang i manileng i upunguy fare Tent me suguy ram’en SOMOL nib maluplup’ fare Tent.

Exodus 40:34 Referans Kwoze

Revelation 15:8

Ma fare Tempel e ke sug ko ath ni yib u ram’en nge gelngin Got, ma dariy be’ nrayag ni nge yan ngalan fare Tempel nge yan i mada’ ko ngiyal’ ni ba’aram nra yan i m’ay fa medlip i gafgow nike fek fa medlip i engel i yib nga fayleng.

2 Kronicles 7:2

Bochan e ke suguy ba tamilang nib maluplup’ fare Tempel, ma da kiyag ni th’um fapi prist nga langgin.

Exodus 29:43

U rom e bay gu mada’nag e girdi’ nu Israel ngay, ma fare ram’en e maluplup ko gin gu bay riy e ra thothupnag e gin’em.

Exodus 14:24

Be puf e woch me par SOMOL ko fare nifiy nib k’iy ngalang ni aram fa gi manileng nge changar nga but’ nga daken e salthaw nu Egypt, me gagiyeg nagrad ngar rusgad ndaki ta’reb lungurad.

Levitikus 16:2

I ga’ar, “Mog ngak Aron ni walagem ni fin ra taw nga nap’an me yan nga ba’ nem fa gi kateng ngalan fa Gin Th’abi Thothup, ya ireram e gin ni gu ma m’ug riy ni bangi manileng u puluwon upungen fare Kahol ko M’ag ngalang. Fa’anra dabi fol riy mra yim’.

Exodus 33:9

Ma nap’an nra yan Moses nga langgin, me yib fare gi manileng nib k’iy ngalang nge yib i rumog nga langan e mab ko fare Tent, me non SOMOL u fithik’ e gi manileng nem ngak Moses.

Revelation 21:3

Mu gu rung’ag ba lam ni ba ga’ ni be non u tagil’ Got ni be ga’ar, “Chiney e keb i par tafen Got nga fithik’ e girdi’! Bayi par rorad, ma bay ra manged girdi’en. Mi Got e bay i par rorad, mi ir e bayi mang Got rorad.

Haggai 2:9

Bin be’ech e Tempel e bayi gel feni manigil ko bin ni kafram, mu rom e bay gu fla’abnag e girdi’ rog riy miyad par u fithik’ e gapas.” I SOMOL ni Gubin ma Rayag Rok e ke non.

Haggai 2:7

Bay gu rurug gubin e pi nam, ma gubin e pi machaf rorad ni bay ni fek ngaray, nge sug fare Tempel ko pi manigil.

Isaiah 6:4

Lamrad e i rur e def ko Tempel riy, me sugnag e ath lan e Tempel.

Exodus 25:8

Ma pi girdi’ nir e thingar ra ngongliyed ba Tent nib thothup ni tagal’ig, ya nge yag ni ug par u fithik’rad.

Roma 9:4

Yad e mel’egrad Got ni ngar manged girdi’en; me tayrad ni kar manged pifak me pi’ e fla’ab rok ngorad; me ngongliy e pi m’ag rok u thilrad nge ir me pi’ fare Motochiyel ngorad; bin riyul’ e pigpig nge meybil ngak Got e yad e bay rorad; ma ke micheg Got ngorad e tin ni bayi pi’ ngorad;

Numbers 7:89

Nap’an ni yan Moses ngalan fare Tent ni nge non ngak SOMOL, me rung’ag laman SOMOL ni be non ngak u daken upongen fare Kahol ko M’ag, u thilin fa gali kerubim.

2 Samuel 7:6

Nap’an fa ngiyal’nem ni gu fek e girdi’ nu Israel nga wuru’ yu Egypt nge yib i mada’ ko bin daba’ e rran ma dawor gu par u lan ba tempel; ya ug milekag i yan ni lan ba tent e gu be par riy.

Ezekiel 10:4

Fare tamilang nib maluplup’ u tagil’ SOMOL e yan ngalang u daken fa pin’en nib fos nge yan ko gin yima yan riy ngalan e Tempel. Ma fare gi manileng e sugnag lan fare Tempel, ma lan e yoror ko fare Tempel e ke gal ra’en.

Exodus 16:10

Ma nap’an ni be non Aron ngak e girdi’ nu Israel ni gubin, miyad changar nga daken e ted ni desert miyad guy ram’en e muluplup’ rok SOMOL nike m’ug u fithik’ bangi manileng.

Psalms 26:8

A SOMOL, ba t’uf rog fare naun ni ga ma par riy, ni fa gin tagalim’ nib maluplup’.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.