Exodus 4:27 - Bible Ni Thothup

²⁷ Me ga’ar SOMOL ngak Aron, “Mman ngalan e ted ni desert ngam guy Moses.” Me yan ngar mada’gow u daken fare burey rok Got; ma fa’ani mada’nag, me faray owchen Moses.

Exodus 4:27 Referans Kwoze

Exodus 3:1

Me reb e rran ni be chothowliy Moses e saf nge kaming ni fak Jethro ni chitamngin le’engin, me ir e prist nu Midian. Me gafaliy fa yu ran’ i gamanman ngar th’abed e ted ni desert ngarbad nga Sinai, ni fare burey rok Got nib thothup.

Acts 10:20

Ere mfal’eg rogom ngam man nga but’, ma dab mmaruwar ko ngam un ngorad fa danga’, ya gag e kug l’oegrad.”

Eklesiastes 4:9

L’agruw e bfel’ ko ta’reb, ni bochan e yow ra peth miyow maruwel ni bfel’ rogon.

1 Kings 19:8

Me suwon Elijah, nge abich me garbod, me pi’ e re ggan nem gelngin nge yag ni yan u but’ ni aningeg i ragag e rran nge mada’ nga Sinai, ni fare burey nib thothup.

Exodus 20:18

Fa’ani rung’ag piyu Israel lingan e dirra’ nge laman e yabul ni be thow ni ba ga’ laman, miyad guy e uluch ni be matmat nge re burey nem ni be gabulbul e ath riy, mu ur da’da’gad ko marus miyad sak’iy u urel riy.

Exodus 19:3

Me yan Moses nga daken e burey ni ngar mada’gow Got. Me non SOMOL u daken e burey nga but’ ngak Moses ni ga’ar, “Mog ngak piyu Israel, ni aram e pi’in owchen Jakob:

Genesis 29:11

Ma aram me faray owchen fare pin, me yornag e felfelan’.

Exodus 18:5

Me yib Jethro nike un le’engin Moses ngak nge fa gali pagel ni fak ngalan e ted ni desert, ni aram e gin nike n’uf Moses e tent rok riy ko fare burey rok Got.

Exodus 18:7

aram me yan Moses i yan i mda’nag me siro’ ngak, me faray owchen Jethro. Miyow nang salparow miyow yan ngalan e tent rok Moses.

Exodus 24:13

Me fal’eg Moses rogon, ma ku aram rogon ni rin’ e tapigpig rok i Joshua, miyow yan nga daken e burey rok Got.

Psalms 105:26

Me l’oeg Moses ni tapigpig rok, nge Aron ni ir e turguy.