Exodus 4:18 - Bible Ni Thothup

¹⁸ Me sul Moses ngak Jethro, ni chitamngin le’engin, me ga’ar ngak, “Wenig ngom, mpageg nggu sul ngak pi girdi’eg ni yad bay u Egypt ngguy ko ka yad bay fa karm’ad.” Me fingichiy Jethro Moses.

Exodus 4:18 Referans Kwoze

Exodus 3:1

Me reb e rran ni be chothowliy Moses e saf nge kaming ni fak Jethro ni chitamngin le’engin, me ir e prist nu Midian. Me gafaliy fa yu ran’ i gamanman ngar th’abed e ted ni desert ngarbad nga Sinai, ni fare burey rok Got nib thothup.

1 Timothy 6:1

Urngin e pi’in yad e sib e thingar rtafinay niged ni bay rogon ni ngar ted fan e pi masta rorad, ni fan e nge yan i aw ndabiyag ni nge yog be’ bbugithin nib kireb nga fithingan Got nge tin ni gadad be machibnag.

Acts 16:36

Me yog fa en ni pilungen e kalbus fapi thin ngak Paul ni ga’ar, “Ke pi’ fapi tolang e thin ke yib ni ngan pagmew Silas, ere rayag ni ngam marow u fithik’ e gapas.”

Acts 15:36

Me yan in e rran nga tomuren me ga’ar Paul ngak Barnabas, “Ngad sulow ngad guyew pi walagdow ni girdi’en Kristus u lan urngin e binaw nda machib nigew e thin rok Somol riy, ngad nangew rogorad.”

Luke 7:50

Machane me ga’ar Jesus ngak fare pin, “Michan’ rom ngak Got e ke thapegem ngak; ere mman u fithik’ e gapas.”

1 Samuel 1:17

Me ga’ar Eli ngak, “Mman u fithik’ e gapas, mang e yigi pi’ fare Got nu Israel e fulweg ko n’en ni ga be ning ngak.”

Genesis 45:3

Me ga’ar Josef ngak pi walagen, “I gag Josef. Kabfos e chitamag fa?” Me par pi walagen ni kar rusgad ngak nde yag ni ngar fulweged lungun.

Exodus 2:21

Me turguy Moses u wan’ ni nge par u rom, ma aram e de n’uw nap’an me pi’ Ruel Zipporah ni fak ngak nge le’engiy.

2 Kings 5:19

Me ga’ar Elisa, “Mman u fithik’ e gapas.” Me yan Naaman. Dawori n’uw yang nike yan Naaman riy,

Judges 18:6

Me fulweg fare prist ni ga’ar, “Dariy ban’en ni nge magafan’med ngay. Be ayuwegmed SOMOL ko re milekag romed ney.”

2 Kings 5:10

Me l’oeg Elisa ba tapigpig nge yog ngak Naaman ni nge yan i maluk ngalan e lul’ ni Jordan ni medlip yay, me chuw e daraw u downgin nge sul nga rogon.