Exodus 4:13 - Bible Ni Thothup

¹³ Machane me ga’ar Moses, “SOMOL, mu runguyeg; nge mang yugu be’ e mol’og nge yan.”

Exodus 4:13 Referans Kwoze

Jonah 1:3

Machane me mil Jonah rok SOMOL nge yan nga Tarshish. I yan nga Joppa, me pir’eg ba barkow u rom ni be n’en ni nge yan nga Tarshish; me pi’ puluwon nge un nga daken me cheag ngak e sala ko re barkow nem ngranod nga Tarshish, nike mal’af rok SOMOL.

Exodus 4:1

Me fith Moses SOMOL ni ga’ar, “Ma fa’anra dabi mich u wan’ piyu Israel e tin kugog ngorad, miyad pag ndab ra motoyilgad ko tin kugog me lungurad, I SOMOL e de m’ug ngom, ma mang e nggu rin’?”

John 6:29

Me fulweg Jesus ngorad ni ga’ar, “Ba’aray e ren’en ni ba’adag Got ni ngam rin’ed: nge mich u wun’med e en nike l’oeg ke yib.”

Matthew 13:41

en ni Fak e Girdi’ e bayi l’oeg e pi engel rok ngar kunuyed urngin e pi’in yad be waliy e girdi’ ngar denengad, nge urngin e pi’in yad be ngongliy e kireb ni kar maathukgad nga fithik’ e pi’in Got e be gagiyeg nagrad,

Jonah 1:6

Me yib e kapten ko i pir’eg u rom me ga’ar ngak, “Mang e kam rin’ ni kam mol? Mu od ngam meybil ngam ning e ayuw ko got rom. Ya sana ra runguydad, me siy ku da m’ad.”

Jeremiah 20:9

Machane fa’anra lungug u wun’ug, “Dab kug leamnag SOMOL ma dab kug weliy ban’en u fithingan,” ma aram e thin rom e ke bod ba nifiy ni be yik u fithik’ i lanin’ug nib to’ar. Mu gguy rogon ni nggu par nga daken, machane dabiyag ni nggu tay rog.

Jeremiah 1:6

Ma aram me lungug, “SOMOL ni Th’abi Tolang, da gu nang rogon e welthin; ya kayigi gel fanag bitir.”

Judges 2:1

Fare engel rok SOMOL e yan u Gilgal nga Bokim, me ga’ar ngak piyu Israel, “I gag e gu fekmed nga wuru’ yu Egypt mug fekmed i yib ko fare nam ni gu micheg ngak pi chitamangimed kakrom. I lungug, ‘Ridab gu th’ab e m’ag ni kug ngongliy u thildad.

Exodus 23:20

“Bay gu l’oeg ba engel nge m’on romed ni ngi i yororiymed nnap’an ni gimed be milekag ma nge fekmed i yan ko fa gin kug fal’eg rogon.

Genesis 48:16

Ma fare engel ni chuwegeg u fithik’ urngin e riya’ e ngi i fal’eg wa’athrow. Fithingag nge fithingan e gal chitamag i Abraham nge Isak e ngi i par u dakenrow. Nge yo’or pifak row ngar manged baraba’ i girdi’ ni pire’.”

1 Kings 19:4

me yan Elijah u but’ ni reb e rran ni be sor i yan nga daken e ted. Me tal nga tan ba ke gek’iy ko gin nib tagalul’, ngi i athpeg u wan’ ni manga yigi yim’. Me meybil ni ga’ar, “SOMOL, re gafgow ney ni aray ga’ngin e dabkiyag rog. Mfek e pogofan rog, ya kabfel’ ni nggum’!”

Genesis 24:7

I SOMOL, ni ir e Got nu tharmiy, e ir e fekeg u tabinaw rok e chitamag nge nam rok pi girdi’eg, me micheg ngog ni bayi pi’ e re nam ney ngak e pi’in bayib ni owcheg. I ir e bayi pi’ e engel rok nge m’on rom nge yag ni mfek be’ ni bpin u rom nge le’engiy fakag.

Exodus 4:12

Ere mman; ya bay gu ayuwegnem ngam welthin, ma bay gog ngom e n’en ni ngamog.”

Exodus 4:14

Me damumuw SOMOL ngak Moses, me ga’ar, “Uw rogon fare mo’on ni walagem i Aron, ni ir be’ ko ganong rok Levi? Gu manang nib salap ko welthin. Chiney e be yib ni nge guyem; gimew ra mada’ mar ra felan’.

Genesis 41:35

Thingar ra kunuyed urngin e ggan u lan e pi duw ni ba’aram ni bfel’ ni bay yib. Ma thingar ra maruwelgad u tan e thin rom ngar kunuyed e grain ni nge mang ggan u lan e pi binaw i yan, miyad tay e matanag riy.