Exodus 39:7 - Bible Ni Thothup

⁷ Ra ted nga daken e gaf u pon fare mad ni efod, ni aram e be gagyelnag fa ragag nge l’agruw i ganong rok yu Israel, nri bod rogon nike yog SOMOL ngak Moses.

Exodus 39:7 Referans Kwoze

Joshua 4:7

ma nga mogned ngorad ni ran ko lul’ ni Jordan e tal ndaki yan nnap’an ni yib fare Kahol ko M’ag rok SOMOL i th’ab e re lul’ nem. Pi malang ney e bay i par ni gubin ngiyal’ nib puguran ngak piyu Israel.”

Exodus 28:12

Mi ni tay fa gal malang nga daken gafan lik’ipon fare efod ni nge gagyelnag fa ragag nge l’agruw i ganong nu Israel. Aray rogon ni bayi fek Aron fithingrad u daken lik’ipon ni ruw raba’, ma aram e Gag SOMOL e bay gu par ni gubin ngiyal’ ni bay e girdi’ rog u lanin’ug.

Exodus 28:29

“Nap’an nrayan Aron ngalan e Gin ba Thothup ko fare Tent, ma nge tay nga daken ngorngoren e regi mad ney ni bay fapi malang nib tolang puluwon riy ni kan ker fithingan fapi ganong rok yu Israel nga daken, ma aram e Gag SOMOL e bay gu par ni gubin ngiyal’ ni bay e girdi’ rog u lanin’ug.

Mark 14:9

Ere mu ted fanmediyan ko re bugithin ney! Demturug e gin’en ni yira machibnag e Thin Ni Bfel’ ni yib rok Got riy u gubin yang u roy u fayleng, ma yira weliy murung’agen e n’en nike rin’ e re pin ney, ni fan e nge puguran e re pin ney ngan’uy.”

Nehemiah 2:20

Mu gu fulweg ni lungug, “I Got nu tharmiy e bayi ayuwegmad nge fel’ e pin’en ni gamad be muruwliy, ya gamad e tapigpig rok, ere nggu tababgad ko maruwel. Ma gimed e dariy e f’oth romed ara mat’awmed ara rogomed nga Jerusalem.”

Exodus 28:7

Ma l’agruw e gafan e mad, nra yag nni m’ag u lik’ipon, e ni puthuy ko fagal raba’ i mad u barba’ ngu barba.