Exodus 39:42 - Bible Ni Thothup

⁴² Piyu Israel e kar mu’ niged urngin e pi maruwel ney ni bod rogon nike yog SOMOL ngak Moses.

Exodus 39:42 Referans Kwoze

Exodus 35:10

“Gimed gubin e pumo’on ni bay e salap romed e ngam ngongliyed urngin e tin keyog SOMOL ni ngan ngongliy:

2 Timothy 4:7

Ya kug athamgiliy e tin nrayag rog ko sagreng, ma kug mil u n’umngin yang ni ngan mil riy, ya par e michan’ rog u gil’.

2 Timothy 2:15

Mu athamgiliy u rogon nrayag rom nge par e maruwel rom nrib fel’ u mit Got, ni bod rogon be’ ni girdi’en e maruwel nder tamra’ ko maruwel rok, ni ir be’ nma machibnag e thin rok Got nrogon.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Deuteronomy 12:32

“Mu rin’ed urngin e tin kugog ngomed ni ngam rin’ed; ndab mon’ed ban’en ngay ara mu chuweged reb riy.

Exodus 39:32

Gubin e maruwel ko fare Tent u p’eowchen SOMOL e kan mu’nag. Girdi’ nu Israel e kar ngongliyed gubin ban’en riy nri bod rogon ni yog SOMOL ngak Moses ni ngan rin.

Exodus 39:41

nge fapi madan e prist nrib gamog ni ngu’ur chuwgad ngay u lan e Gin ni ba Thothup — nge fapi mad nib tabgul rok Aron ni prist nge pi pumo’on ni fak.

Exodus 39:43

Me fal’eg Moses i yaliy gubin fa pin’em ni kar ngongliyed me guy ni kar ngongliyed ni karikan rogon ni yog SOMOL. Ma aram me fal’eg Moses wa’athrad.

Jeremiah 13:5

Ma aram mu gu wan gu mithag ngaram nga charen yu Eufrates.

Exodus 12:28

Me yan piyu Israel miyad fol riy; ya ra ngongliyed e tin nike yog SOMOL ngak Moses nge Aron.

Numbers 9:22

Demturug ko l’agruw e rran, fa reb e pul, ara reb e duw, ma n’umngin nap’an ni be par fa gi manileng u daken fare Tent ma aram e ka be par piyu Israel ko fa gin’em; machane nap’an nra muf ngalang miyad milekag.

1 Kings 6:38

Lan e bin meruk e pul, ni fare pul ni Bul, ko re duw ni ba’aram ni gaman e ragag nge ta’reb e duw nap’an nike gagiyeg Solomon mi ni mu’ i toy e Tempel, nri bod rogon nike m’ay i leamnag. Medlip e duw ni muruwliy Solomon e Tempel me m’ay.

2 Kronicles 8:15

Pin’en ni yog David ngak e pi prist nge pi Levite nib l’ag rogon ko pi naun ni yima cha’ar ngay nge ku boch ban’en e go’ nrin’ ni ribod rogon niyog.