Exodus 39:37 - Bible Ni Thothup

³⁷ nge fare tagil’ e magal nib gol, nge pi magal riy, nge gubin tatalin, nge gapgep ni fen fapi magal;

Exodus 39:37 Referans Kwoze

Filippi 2:15

nge yag ni mpired ndariy thibngimed ma gimed bmachalbog, ma pifak Got gimed ni gimed ba yal’uw ni gimed be par u fayleng u fithik’ e girdi’ ndar yal’uwgad ma yad ba kireb. Thangri gal rama’emed u fithik’rad ni bod e t’uf ni be gal’ lanelang,

Exodus 27:21

I Aron nge pi pumo’on ni fak e yad e ngu’ur faleged rogon fare magal u lan fare Tent ko gin gu bay riy. Re magal ney e ngan tay nga ba’ ni wuru’ fare gi kateng u m’on ko fare Kahol ko M’ag. Mu rom u p’eowcheg e nge yik’ e re magal nem riy ni blayal’ nge mada’ ko kadbul. Biney e nge par nib gam’ing ni ngi i rin’ piyu Israel u reb e mafen ngu reb ni dariy n’umngin nap’an.

Exodus 25:31

“Mu ngongliyed ba lay i tagil’ e magal ko gol ni go’ gol. Mu pirdi’iyed e gol nge mang enggin nge kenggin; ma nunuw riy e ya’an bogi floras nike puf nge tin dawori puf ni ngkun ngongliy nib peth ko re ley i tagil’ e magal ney.

Exodus 39:36

fare tebel nge gubin tatalin, nge fare flowa ni kan pi’ ni maligach ngak Got;

Exodus 39:38

nge fare altar nib gol; nge fare gapgep ni fen e mathiy; nge fapi incense ni bfel’ bon; nge fare gi kateng ni fen langan e mab ko fare Tent;

Exodus 27:20

“Mu reg e thin nge yan ko girdi’ nu Israel ngar feked i yib ngom e tin th’abi fel’ ko pi gapgep rorad ni olive ngan fanay ko fare magal, ya nge yag nni gal’ ni gubin e blayal’.

Numbers 8:2

“Mog ngak Aron ni nge ayliy fa medlip i magal ni ngi i mat nga m’on.”

Numbers 8:3

Me fol Aron riy nge ayliy fapi magal nib sap nga m’on.