Exodus 39:32 - Bible Ni Thothup

³² Gubin e maruwel ko fare Tent u p’eowchen SOMOL e kan mu’nag. Girdi’ nu Israel e kar ngongliyed gubin ban’en riy nri bod rogon ni yog SOMOL ngak Moses ni ngan rin.

Exodus 39:32 Referans Kwoze

Exodus 25:40

Mu tiyan’med ngam ngongliyed ni bod e re ya’an ni kug weliy rogon ngomed u daken fare burey.

Hebrews 8:5

Ma maruwel ni yad ma tay nrogon e maruwel ko pi prist e kemus ni yad be folwok ma yad be yan u ya’an e n’en ni bay u tharmiy. Taareb rogon ko n’en ni rin’ Moses. Fa ngiyal’nem ni be n’en ni nge toy fare tent, me yog Got ngak ni ga’ar, “Thingar mu guy rogon ngam ngongliy urngin ban’en riy ni bod rogon ni gu dag ngom u daken e burey.”

Hebrews 3:2

Ya i par nib yul’yul’ ngak Got, ni ir e duwgiliy Jesus ni nge mang ir e rin’ e re maruwel ney, ni bod rogon Moses ni i par nib yul’yul’ ko maruwel rok u lan e tabinaw rok Got ni polo’.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

1 Kronicles 28:19

Me ga’ar David ni Pilung, “Gubin e pin’ey ni bay u babyor ma ni yoloy nrogon ni yog SOMOL ngog ni ngan rin’.”

1 Samuel 15:22

Me ga’ar Samuel, “Mang e ba’adag SOMOL? Fol fa tin ni ngan pi’ ngak ara maligach? Kabfel’ ni ngan fol rok ko bin ni nga ni pi’ e bin th’abi fel’ e saf ngak ni maligach.

Deuteronomy 12:32

“Mu rin’ed urngin e tin kugog ngomed ni ngam rin’ed; ndab mon’ed ban’en ngay ara mu chuweged reb riy.

Numbers 3:31

Yad e ba milfan ngorad fare Kahol ko M’ag, nge fare tebel, nge tagil’ e magal, nge altar, nge pi tatalin maruwel nma fanay fapi prist u lan fa Gin nib Thothup, nge fare gi kateng u langan e mab ko Gin Th’abi Thothup. Urngin e pigpig ni yima tay nib l’ag rogon ko pin’em e yad e ba milfan ngorad.

Exodus 40:32

ni gubin ngiyal’ ni yad ra pig ni ngranod ngalan fare Tent ara fare altar, nri bod rogon ni yog SOMOL.

Exodus 39:33

Ra feked fare Tent i yib ngak Moses nge gubin tatalin, fapi lam, pi chayem, pi dubchey, pi rumog, nge pi ayal riy,

Exodus 39:31

Ra m’aged nga m’on ko fare turban nga ba yil’ i gaf ni kan l’ang nib ra’en ma’kef, ni bod rogon nike yog SOMOL ngak Moses ni ngan rin’.

Exodus 12:28

Me yan piyu Israel miyad fol riy; ya ra ngongliyed e tin nike yog SOMOL ngak Moses nge Aron.

Exodus 31:7

fare Tent u p’eowcheg, nge fare Kahol ko M’ag nge upongen, nge gathon fare Tent,

Exodus 40:1

Me ga’ar SOMOL ngak Moses,

Exodus 40:3

Ma ga tay fare Kahol ko M’ag ni bay fare ragag i motochiyel u langgin, ma ga pag fare gi kateng nga mit.

1 Kings 6:38

Lan e bin meruk e pul, ni fare pul ni Bul, ko re duw ni ba’aram ni gaman e ragag nge ta’reb e duw nap’an nike gagiyeg Solomon mi ni mu’ i toy e Tempel, nri bod rogon nike m’ay i leamnag. Medlip e duw ni muruwliy Solomon e Tempel me m’ay.

1 Kings 7:40

Miki ngongliy Huram e pi th’ib, nge pi sebel, nge yochi dabiy. Me mu’nag urngin e maruwel rok ni fan ngak Solomon ni Pilung ko fare Tempel rok SOMOL. Ba’aray e pin’en ni ngongliy: Fa gal ley i duga’ Fa gal ra ba’ i dabiy ni mang p’ebgul e duga’ Fapi nunuw ni chen ni kan lifith ni bod e nug ni fen p’ebugul Fare 400 i ya’an wom’ngin e pomegranate nib bronze, ni l’agruw thal nra ba thael ma 100 ngay nike liyeg ni nunuw u daken fagal raba’ i dabiy ni p’ebugul e duga’ Fa ragag i cart Fa ragag raba’ i dabiy Fare teang Fa ragag nge l’agruw i ya’an e garbaw ni pumo’on ni ay fare teng Fapi th’ib, sebel, nge yochi dabiy Urngin e pi talin e maruwel ney u lan e Tempel, ni ngongliy Huram ni fen Solomon ni Pilung, e ngongliy ko wasey ni bronze ni kan gichiy ke mat ra’en.