Exodus 38:9 - Bible Ni Thothup

⁹ Me ngongliy yungi kateng ko mad ni wech ni fen rungrung ko fare Tent u p’eowchen SOMOL. Ba’ ni yimuch e wugem e yard n’umngin e pi kateng riy,

Exodus 38:9 Referans Kwoze

Psalms 100:4

Marod ngalan e pi garog ko Tempel rok ni gimed be pining e magaer ngak, marod ngalan e yoror rok nib thothup ni gimed be pining e sorok ngak! Mu pininged e magaer ngak mi gimed pining e sorok ngak!

Psalms 92:13

Yad bod e gek’iy nni yung ngalan e naun rok SOMOL, ni be dommal u lan e Tempel rok e Got rodad,

Psalms 89:7

Ba ga’ madgum u lan e mu’ulung ko pi thothup, yad gubin ni yad ba sak’iy ni ka ra ngat’gad ngom.

Psalms 84:10

Ta’reb e rran ni yira par u Tempel rom ma kabfel’ nga bbiyu’ e rran nni par u bang; kug ba’adag ni nggu sak’iy u langan e garog ko naun rok e Got rog ko bin ni nggu par u tafen e girdi’ ni kireb.

Psalms 84:2

Kari gum’ ni bochan ni ngub ngaram! Kari gum’ ni bochan ni ngu’un ngalan e yoror rok SOMOL. Polo i gag ni gu be tangnag e felfelan’ ngak fare Got ni be par ni bafos.

1 Kings 6:36

Mi ni ngongliy bang u m’on ko Tempel ni nge mang lan e yoror riy, mi ni rungrunguy nra ba thael e ren ni cedar ma dalip thael e malang me yan ni aram rogon i yan.

Exodus 40:33

Moses e n’uf e yoror nib liyeg fare Tent nge fare altar, me tining bang i kateng u langan e gin yima yan riy nga lane yoror. Ma aram me mu’nag Moses gubin e maruwel riy.

Exodus 40:8

Mu n’uf fare yoror ma ga the’ fare gi kateng nu langan e garog ko yoror.

Exodus 26:1

“Mu kum ngongliyed langgin e Tent rog nib Thothup nga ragag yang i mad ni linen nib wech nni uneg bunu’en e saf ngan lifith nga fithik’, ni kan k’ad nib ra’en mak’ef, purple, nge row. Mi gimed sisyunag ya’an bogi kerubim nga daken.

Exodus 38:10

nike the’ nga rliw’ i rumog ni bronze ni kan ayliy ngalan rliw’ i ayal riy nib bronze, ma pi lam nge pi ralap riy e go’ ba silber.

Numbers 4:26

nge kateng nge gufan e yoror ni ba liyeg fare Tent nge fare altar, nge kateng ko langan e garog, nge urngin e pi ayal riy ni yima fanay ko ngiyal’ ni ngan n’uf e pin’ey. Gubin e pi maruwel nib l’ag rogon ko pin’ey ma yad e yad ra ngongliy.

Numbers 3:26

nge yungi kateng ni fen e yoror nib liyeg fare Tent nge fare altar, nge fare gi kateng ni fen e garog ko fare yoror. Urngin e pigpig ni yima tay nib l’agfan ko pin’em e yad e ba milfan ngorad.