Exodus 38:18 - Bible Ni Thothup

¹⁸ Ma fare gi kateng ni yima the’ u langan e gin yima yib riy e ni ngongliy ko mad ni wech min lifith bunu’en e saf u fithik’ ni kan k’ad ko ra’en mak’ef, purple, nge row min sisyunag ni fel’ ya’an riy. Regi kateng nem e ragag e yard n’umngin ma l’agruw nge balay e yard tolngin, ni bod fa yungi kateng ko rungrung.

Exodus 38:18 Referans Kwoze

2 Kronicles 3:14

Mi ni ngongliy bangi kateng ni fen fa Gin Th’abi Thothup nni ngongliy ko mad ni wech nge ku boch ban’en mi ni k’ad ko ma’chaw ni ra’en mak’ef, nge purple, nge row, ni kan susunag ya’an e kerubim nga daken.

Exodus 26:1

“Mu kum ngongliyed langgin e Tent rog nib Thothup nga ragag yang i mad ni linen nib wech nni uneg bunu’en e saf ngan lifith nga fithik’, ni kan k’ad nib ra’en mak’ef, purple, nge row. Mi gimed sisyunag ya’an bogi kerubim nga daken.

Exodus 26:36

“Min ngongliy bangi kateng ni nge mang mban fare Tent. Mu ngongliyed e re gi kateng nem ko mad ni wech ni kan ngongliy u bunu’en e saf ni kan k’ad ko ra’en mak’ef, purple, nge row, ma kan sisyunag daken ni nunuw riy.

Exodus 38:17

Fapi ayal ko rumog e ni ngongliy ko wasey ni bronze, ma pi lam, nge dubchey riy, nge upong u p’ebugul e yuley i rumog riy e ni ngongliy ko silber. Gubin e rumog nib liyeg e rungrung e go’ yan i peth ko pi ralap u p’ebugul.

Exodus 38:19

Regi kateng nem e kan the’ nga aningeg ley i rumog ni kan ayliy ngalan aningeg i ayal riy nib bronze. Pi lam riy, nge opong u p’ebugul e rumog, nge pi ralap riy e ni ngongliy ko silber.