Exodus 37:25 - Bible Ni Thothup

²⁵ I ngongliy ba altar ko gik’iy ni acacia ni fen e incense ni ngan urfiy riy. Re altar ney e aningeg raba’ ni ta’reb n’umngin nga radan, ya ragag nge meruk e inch n’umngin ma ragag nge meruk e inch radan, ma guyey nge nel’ e inch tolngin. Ma aningeg i gagey ko aningeg i tabthung riy e ba ta’reb ngay.

Exodus 37:25 Referans Kwoze

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

Hebrews 7:25

Ere chiney nge gubin ngiyal’ e rayag rok ni nge thapeg ngak Got e pi’in yad ra yib ngak Got u daken, ni bochan e bay i par nib fos ni dariy n’umngin nap’an, ngi i wenignagrad ngak Got.

Hebrews 13:10

Ya pi prist ni yad ma pigpig u lan e tent ko liyor nge meybil rok yu Israel e dariy mat’awrad ni ngar ked e maligach ni ka ni pi’ u daken e birodad e altar.

Matthew 23:19

Ri gimed bmalmit! Bin ngan e ka ba ga’fan, fare n’en ni kan pi’ ngak Got fa fare altar ni ir e ke thothupnag fare n’en ni kan pi’ ngak Got?

2 Kronicles 26:16

Machane nap’an ni par Uzziah ni Pilung nike gel gelngin me tolngan’, ma aram tapgin me mul pa’ ko pilung. I dariyfannag SOMOL ni Got rok ni bochan e yan ngalan fare Tempel ni nge urfiy e incense u daken fare altar ko incense.

Exodus 40:5

Ma ga tay fare altar nib gol ni fen e incense ni yima urfiy nga m’on ko fare Kahol ko M’ag mag tining fagi kateng u langan e mab ko fare Tent.

Hebrews 9:4

Nu lan e bay e altar riy nib gol ni yima urfiy bogi ban’en ni bfel’ bon u daken, ma ku errogon fare kahol ko m’ag ni bay riy, ni kan ing ko gol ni polo’. Ma re kahol nem e bay fare rume’ u lan nib gol ni bay e manna u lan, nge fare ley i sog ku Aron ni fa’ani yib yuwan, nge fa gal yang i malang ni kan yoloy e fapi motochiyel nga daken.

Exodus 31:8

fare tebel nge gubin mam’en, nge fare tagil’ e magal nib gol nge gubin mam’en, nge fare altar ni yima urfiy e incense u daken,

Exodus 37:24

Medlip i ragag nge lal e pawn e gol ni fanay ko fare tagil’ e magal nge gubin ban’en ni tatalin.

Exodus 37:26

Me ing daken ko gol, ni aningeg raba’ ni ing, ni fapi gagey riy, me gabdiy bathal i gol u mirichlen nge liyeg.

Exodus 35:15

nge fare altar ni yima urfiy e incense u daken, nge mat’ riy; nge fare gapgep ni fen e mathiy; nge fare incense ni bfel’ bon, nge fare gi kateng ni fen langan e mab ko fare Tent;