Exodus 34:29 - Bible Ni Thothup

²⁹ Fa’ani yib Moses u daken e Burey ni Sinai nga but’ ni be fek fa Ragag i Motochiyel, ma be galgal ram’en owchen ni bochan e ku ur nonow SOMOL; machane ir e dar nang ni be galgal ram’en owchen.

Exodus 34:29 Referans Kwoze

Matthew 17:2

Ma nap’an ni yad be changar ngak me thil ya’an: me galgal owchen ni bod feni galgal mit e yal’, me wechwech e mad rok ni bod ram’en e yal’.

Luke 9:29

Ma nap’an ni be meybil, me thil ya’an owchen me pig ram’en e mad rok ngari wechwech ni be galgal.

Exodus 32:15

Ma aram me sul Moses u daken fare burey nga but’, nike fek fa gali yang i malang ni l’agruw raba’ ni kan yoloy fapi motochiyel ngay.

Revelation 1:16

Ma bay medlip i t’uf u lan e ba’ ni mat’aw i pa’, me m’ug ba saydon u l’ugun ni l’agruw raba’ ma mm’uth. Ma owchen e bod owchen e yal’ ni misiw’.

2 Korinth 3:13

Gathi gadad bod Moses ni bayi n’en ma nge upunguy bangi mad nga owchen, ni fan e nge dabi guy piyu Israel ram’en Got ni be gal u owchen ni nge waer ram’en i yan me m’ay.

Revelation 10:1

Ma aram mu ku gguy reb e engel nib gel nike yib u tharmiy nga but’, ni bangi manileng e mad rok, ni ba longob ba ragim nga lolugen; ma owchen e bod lan mit e yal’, ma ay e bod ruw pa’ i nifiy.

Acts 6:15

Ma urngin e pi’in kar pired nga but’ u lan fare ulung nra lik’athgad ngak Stefen, miyad guy owchen nike bod rogon owchen ba engel.

John 5:13

Machane fare mo’on ni kan chuweg e liliy rok ke gol e de nang ko mini’ fa’anem nike golnag, ya ke chuw Jesus ke yan, ya pire’ e girdi’ ni bay ko gin’em.

Acts 12:9

Me lek Peter fare engel ngranow nga wuru’ e kalbus. Machane de nang ni n’en ni be rin’ e re engel nem e rib riyul’; ya be finey ni kan piliyeg e changar rok be guy.

Acts 23:5

Me fulweg Paul ni ga’ar, “Pi walageg, da gu nang ni ir e Prist ni Th’abi Ga’; ya gu manang nike ga’ar e babyor nib thothup, ‘Thingar dabmog ban’en nib kireb ngak be’ ni ir e be tay murung’agen e girdi’ ko nam rom.’ ”

Luke 2:49

Me fulweg ngorow ni ga’ar, “Mang ni ngam gayew gag? Da mu nangew nthingar gub gu par nga naun rok e Chitamag?”

Mark 9:6

Ya kari gel e tamdag ngak Peter nge fa gali cha’ ndaki nang Peter e n’en ni nge yog.

Judges 16:20

Me tolul Delilah ni ga’ar, “Samson! Ke yib e piyu Filistia!” Me od me ga’ar u wan’, “Bay kug gel nigeg mu gu thay ni bod gubin yay.” Ma de nang nike chuw SOMOL rok.

Joshua 8:14

Ma nap’an ni guy e pilung nu Ai e salthaw rok Joshua, me burtel. Ni aram e ir nge salthaw rok ni gubin e ranod i yan ko Loway nu Jordan ni ngar chamgad ngak yu Israel ni ku aram gil’ e yay ni som’on, ma de yib ngan’ ni bay ni cham ngak u keru’.

Joshua 2:4

Ma aram e ke fek e re pin nem fa gali pumo’on ke mithagrow, me fulweg ni ga’ar, “Ke yib l’agruw i pumo’on nga tabinaw rog, machane da gu nang ko uw e rabow riy.

Mark 14:40

Miki sul bayay me pir’eg pi gachalpen ni yad be mol, ya dakir yag ni ngar pired nib puf owcherad. Ma dakur nanged e n’en ni ngrogned ngak.

Exodus 16:15

Fa’ani guy piyu Israel ma dar nanged ko be mang, mu ur fithed yad ni be lungurad, “Be mang e pin’ey?” Me ga’ar Moses ngorad, “Ireray fare ggan nike pi’ SOMOL ngomed ni ngam ked.

Exodus 31:18

Fa’ani mu’ SOMOL ko welthin ngak Moses u daken e burey ni Sinai, me pi’ ngak fa gal yang i malang ni fa’an ni yoloy Got fapi motochiyel nga daken.

Deuteronomy 10:5

mu gu cheal nggu log u daken fare burey nga but’. Mu gu tay ni ruw yang ngalan fare kahol ni kug ngongliy ni bod rogon ni yog SOMOL ngog, ni kabay u rom ni ka’aram nap’an.” (

Eklesiastes 8:1

Kemus ni pi’in nib gonop e manang e tin riyul’ i fan ban’en. Gonop e ir e ma siminminnag be’ me chuweg e taganan’ u owchen.

Exodus 34:35

miyad guy owchen ni be galgal ram’en. Ma aram me upunguy owchen bayay nge par nib upong nge mada’ ko ngiyal’ ni ngki yan nge non ngak SOMOL.