Exodus 34:25 - Bible Ni Thothup

²⁵ “Dab mu ognag ba flowa ni kan lith ni bay e is riy ni yagagen ba gamanman ni maligach ngog. Ma ku dab mu tay bang e ufin ko fare gamanman ni kan li’ ko fare Madnom ko Paluk’af nge af ko kadbul u reb e rran.

Exodus 34:25 Referans Kwoze

Exodus 23:18

“Dab mu og niged e flowa ngog ni bay e is riy u nap’an ni gimed ra pi’ e maligach ni gamanman ngog. Mam ko fapi gamanman ni kan maligachnag ngog u nap’an e pi madnom ney e dab mu paged nge af ko kadbul.

Exodus 12:10

Thingar dab mu ted boch riy nge af ko kadbul; ya fa’anra magey boch riy, ma thingar ni urfiy.

Deuteronomy 16:3

Dab mu ked e flowa ni kan lith ni bay e is riy u nap’an e abich romed ko Paluk’af, medlip e rran ni ngam ked e flowa ni kan lith ni aray rogon, bod ni um rin’ed fa ngiyal’ ni mu chuwgad u Egypt ni aram feni gur. Mu ked e re flowa ney — ni bay u nog fithingan ni flowa ko pi’in nra gafgowgad — ya gubin e rran u lane yafos romed ma ngi i yib ngan’med e rofen ni mu chuwgad u Egypt, ni fare nam ni um gafgowgad riy.

Numbers 9:12

Dab mu ted boch fapi ggan nge af ko bin migid e kadbul ma dab mu t’ared reb i yilen reb fapi gamanman. Mmadnom niged fare Paluk’af nrogon yalen ni ngan rin’.

Levitikus 7:15

Ma thingar ni kay ufin fare gamanman ni ka rofen nni pi’ ni maligach; dariy bang riy ni yira tay ngki mun nga reb e rran.

Exodus 29:34

Mra reb e rran riy ni kadbul ma tin ke magey ni dan kay ko ufin nge flowa e ngan orfeg, ri dab ni kay ya ba thothup.

Exodus 12:20

Thingar dab mu koyed e flowa ni bay e is riy; gimed gubin nthingar mu koyed e flowa ndariy e is riy.”

Exodus 12:8

Re nep’ i n’em e ngan urfiy ufin e pi gamanman nem min th’ag ko flowa ni dariy e is riy nge woldug nib mo’oy.

Matthew 13:33

Me yog Jesus reb e fanathin ngorad ni ga’ar: “Gagiyeg nu tharmiy e bod e is ni fek be’ ni bpin nge athkuy nga ba dabiy i flowa me thownag fa gi flowa ni ga’ngin.”

Levitikus 2:11

Dariy e grain ni ngan pi’ ngak SOMOL ni ngan ngongliy ko is; ma thingar dab mu fanayed e is ara honey nga ggan ni ngan ognag ngak SOMOL.

Deuteronomy 16:4

U lan medlip e rran e dariy be’ u lan e binaw romed ni nge par e is u lan e naun rok; ma ufin e gamanman ni kan li’ ni blayal’ ko re rran ni som’on e thingar ni kay e re nep nem.