Exodus 34:21 - Bible Ni Thothup

²¹ “Nel’ e rran ni bay ni ngam rin’ e maruwel rom, machane dariy ba maruwel ni ngam rin’ ko bin medlip e rran, ni demturug ko nap’an ni yibe gi’ e but’ ara nap’an ni yibe t’ar wom’ngin e woldug.

Exodus 34:21 Referans Kwoze

Exodus 23:12

“Nel’ e rran ni ngam muruliyed e maruwel romed, machane rofen ni medlip ngay e ngam toffangad, ya nge yag ni toffan e pi sib, nge pi milekag ni yad be maruwel romed, nge pi gamanman romed.

Luke 13:14

Ma cha’ nib tolang ni ir e ma tay murung’agen tafen e mu’ulung e damumuw ni fan e ke golnag Jesus e m’ar ko chirofen nem ni Sabbath; ma aram me non ngak e girdi’ ni ga’ar, “Nel’ e rran ni bay ni ir e ngad maruwelgad riy; ere mired e girdi’ u lan e pi rran ney ngan gol nagmed ko m’ar, machane gathi rofen ni Sabbath.”

1 Samuel 8:12

Bayi tay boch i yad ni nge mil fan 1,000 e salthaw ngak, ma boch i yad e nge me mil fan wugem e salthaw ngak. Ma pifakmed ni pumo’on e yad e ngu’ur gi’ed e milay’ rok, ma yad be kunuy wom’ngin, ma yad be ngongliy talin e cham rok nge talin e maruwel ni fan ko pi chariot rok.

Deuteronomy 21:4

Ngar feked i yan nga pe’ening nga charen e l’ul ni dar ma m’ay e ran riy ma but’an e dawor ni gi’ ma dawor ni woldug riy bi’id, miyad t’ar k’angan fare garbaw u rom.

Exodus 35:2

Nel’ e rran ni ngam ngongliyed e maruwel romed, machane rofen ni medlip e ngam ted nib thothup ya yaran e toffan ni ni aram e re rran ni ngan ognag ngog, i Gag SOMOL. Yug en nra ngongliy ba maruwel ko rofen ney e yira thang e fan rok.

Luke 23:56

Ma aram miyad sul nga taferad ngar ngongliyed rogon e florida nge gapgep ni ngar liyfed downgin Jesus ngay. Me rofen ni Sabbath miyad toffan ni bod rogon nike yog e Motochiyel.

Isaiah 30:24

Pi garbaw nge dongki nma ker e milay’ romed e yad ra kay e pin’en nth’abi fel’ ni makay e gamanman.

Genesis 45:6

Ya ireray e bin l’agruw e duw ko re uyongol ney u daken e nam; ma kabay lal e duw ndab ni gi’ e but’ ara nt’ar wom’ngin e woldug.

Exodus 31:15

Nel’ e rran ni ngam muruwliyed e maruwel romed, ma rofen ni gaman e medlip ngay e yaran e toffan ni kug turguy kan ognag ngog. Ma en nra maruwel ko rofen ney e yira thang e fan rok.

Levitikus 23:3

Nel’ e rran ni ngam marwelgad, ma dab mpaged talin ni rofen ni medlip, aram e rofen ni Sabbath, ni yaran e toffan. Rofen nem e dab marwelgad, machane ngambad nga ta’bang ngam ted fan SOMOL. Demturug e gin gimed be par riy ma binem e rran e Sabbath rok SOMOL.

Nehemiah 13:15

Ngiyal’ nem e ug guy e girdi’ u Judah ni yad be uduy logowen e grape ko rofen ni Sabbath. Ma boch i yad e be af e grain, nge wayin, grape, fig, nge ku boch ban’en nga daken e dongki ngar feked ngalan yu Jerusalem; mug ginangrad ni dab ra pi’ed ban’en ni chuway’ e rofen ni Sabbath.