Exodus 34:2 - Bible Ni Thothup

² Nge gabul ni kadbul ma kam mu’ i fal’eg rogom nga mub nga daken e burey ni Sinai ngad mada’gow u rom u p’ebugul e burey.

Exodus 34:2 Referans Kwoze

Exodus 19:20

Me yib SOMOL nga but’ nga daken e Burey ni Sinai. Me pining Moses ni nge yib ngak nga daken p’ebugul fare burey, me yan Moses ngalang.

Deuteronomy 9:25

“Gu paraw nga but’ u p’eowchen SOMOL ni aningeg i ragag e rran nge nep’, ni bochane keyog ngog ni nge thang owchemed.

Exodus 19:11

nge langlath ma kar mu’gad. Rofen nem e gag SOMOL e bay gub nga but’ nga daken e Burey ni Sinai, mu rom e bayi guyeg e girdi’ ni gubin riy.

Exodus 24:12

Me ga’ar SOMOL ngak Moses, “Moy ngog nga daken e burey ngam par u roy. Ya nggu pi’ ngom fa gal yang i malang ni kug yoloy ni bay fapi motochiyel riy nge tin ngan rin’, ni kug yoloy ni nge fonownag e girdi’ nu Israel.”

Exodus 19:24

Me ga’ar SOMOL ngak, “Mman nga but’ ngam fek Aron nge un ngom ngam bow ngaray ngog nga daken e burey. Ma pi prist nge girdi’ nu Israel e thingar dab ra th’abed e mathil ngarbad ngog ngaray nga daken e burey, ya gu ra gechig nagrad.”

Exodus 19:18

Ma fare Burey ni Sinai e ke ing e ath ni polo’, ni bochan e ke yib SOMOL u lang nga but’ nga daken u fithik’ e daramram. Me yan e ath riy ngalang ni bod e ath u ba tafen e nifiy, me rur fare burey nib almarin.