Exodus 34:15 - Bible Ni Thothup

¹⁵ Dab mu ngongliy reb e tha’ u thilmed girdi’en e re nam nem, ya nap’an ni yad ra tayfan e tirorad e got ma yad be pi’ e maligach ngorad, ma bay ra pininged gur ni ngam un ngorad, ma bay ur guyed rogon ni ngam koy e pi ggan ni kar og niged ko tirorad e got.

Exodus 34:15 Referans Kwoze

Judges 2:17

Machane da ur folgad rok fapi tayugang’ rorad. Yu Israel e da ur yul’yul’gad ngak SOMOL, ma yugu boch e got e ur tedfan. Ma pi chitamangirad e ur folgad ko tin keyog SOMOL ni ngan rin’, machane biney e mfen nib be’ech e de n’uw nap’an ma da kur folgad.

1 Korinth 8:4

Ere nggog murung’agen e ggan nni pi’ ngak e liyos nma meybil boch e girdi’ ngay ni nge lungug: gadad manang ni ba liyos e pow u ban’en ni gathi riyul’ ni bay; ya gadad manang nri ta’reb e Got ni bay.

Psalms 106:28

Ma aram e girdi’ rok Got e un i tayfan Baal u Peor miyad un i kay e maligach ni kan pi’ ngak e pi got ni yad ba yam’.

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.

Numbers 25:2

Pi ppin ney e ra pininged fapi pumo’on ni ngar uned ngorad ngab madnom ko maligach, ni armegin ni yima tayfan fare got nu Moab riy. Me un fapi pumo’on i kay garad miyad tayfan fare got

1 Korinth 10:27

Fa’anra piningmed be’ nde mich Got u wan’ ni ngam uned ngak ko abich mi gimed turguy ni ngam marod, ma ngam ked e tin kan tay nga p’eowchemed ndab mfithed murung’agen ni bochan lanin’uy.

1 Korinth 8:10

Ya fa’anra be tamdag be’ ni nge kay, me guyem gur be’ nib “tamilangan’um” riy ni ga be un ko abich u lan e Tempel rok ba liyos, ma gathi ra finey ni ku errogon ir nrayag ni nge kay e ggan nni pi’ ngak e liyos?

1 Korinth 8:7

Machane gathi gubin e girdi’ ni yad manang e re bugithin nib riyul’ ney. Bay boch e girdi’ ni kari mecham rorad e liyos, nma meybil boch e girdi’ ngay nge ngongol ni yima rin’ ngak e liyos ke yan i mada’ ko bin daba’ e rran ni fa’an yad ra kay e ggan nni pi’ ko liyos, ma yad be finey ni ggan rok e liyos; ya kab me’waer lanin’rad ma yad be finey nike alit nagrad fare ggan.

Jeremiah 3:9

ni dariy bochi tamra’ rok. Ke ta’aynag e binaw, ma be pigpig ma be tayfan bogi malang nge yuke gek’iy.

Levitikus 17:7

Fapi girdi’ nu Israel e thingar yul’yul’gad ngak SOMOL ya nga dab kur li’ed e gamanman u lan e yung i tafelfel’ ni nge mang maligach ko fare kaming ni mo’oniyan’. Girdi’ nu Israel e thingar ra folgad pi gafal ney e chiney i yan ngaram.

Exodus 34:12

Ngar mu guy rogon ndab mu ngongliy ba tha’ u thilmed girdi’en e re nam ni ir e ngam man ngay, ya ir e ra girengiy e riya’ nga dakenam.

Revelation 2:20

Machane ba’aray e n’en ndabug rom: ga be k’adan’um rok fare pin ni Jezebel, ni be yog ni ir reb e girdi’ ni Got e l’oeg. Be fil ngak e pi tapigpig rog ma be ban nagrad ngu’ur ngongliyed ngongolen e darngal ma yad be kay e ggan ni kan pi’ ni maligach ngak e liyos nma meybil boch e girdi’ ngay.

Hosea 9:1

Girdi’ nu Israel, mu talgad ko mur ko pi madnom romed ni bod e pi’in nde nang Got. Kam pi’ed keru’med ko Got romed ma dakumur yul’yul’gad ngak. Gubin yang u lan e re nam ney ma kam pi’ed gimed riy nchuway’ ni bod e pi’in yad ma pi’edyad nchuway’ ngak fare got ni Baal, ma kam adaged e grain ni gimed be leamnag ni aram puluwonmed nike pi’.

Hosea 4:12

Yad be de’eriy yungi ren ni nge dag ngorad e tin ni ngar rin’ed! Boch ley i gek’iy e be yog ngorad e tin ni yad ba’adag ni ngar nanged! Kar pi’ed keru’rad ngog; kar pi’ed yad ngak yugu boch e got ni bod be’ ni bpin ni yan ngi i pi’ ir ni chuway’.

Psalms 73:27

Pi’in kar n’iged gur e rib mudugil ni bay ra m’ad, ma bay mu thang owchen e pi’in ndarir yul’yul’gad ngom.

Ezra 6:9

Dabisiy ni ngan pi’ ngak e pi prist u Jerusalem u reb e rran nge reb e tin yad ra yog ni nge yag ngorad, ni aram e garbaw ni kabitir, nge saf nge pifak e saf ni ngar urfiyed ni maligach ngak fare Got nu tharmiy, ara wheat, ara sol, ara wayin, ara gapgep ko olive.

Deuteronomy 7:2

Ma nap’an nra pi’rad SOMOL ni Got romed nga pa’med ngam gelgad ngorad ma thingar mu thanged owcherad ni yad gubin. Dab mu ngongliyed e m’ag u thilmed ara mu runguyed yad.

Numbers 15:39

Pi matharthar ney e nge mang puguran ngomed, ya nge gubin ngiyal’ ni gimed ra guy me yib ngan’med urngin e tin kugog ni ngu’um folgad riy; nge dab mu pi’ed keru’med ngog ngam leked fiti lanin’med nge tin kam mm’ad ni bochan.

Exodus 34:10

Me ga’ar SOMOL ngak Moses, “Bay gu ngongliy ba m’ag u thilig nge girdi’ nu Israel. Bay gu ngongliy e maang’ang u p’eowcherad ndawor ni ngongliy u fithik’ girdi’en reb e nam u faileng. Urngin e girdi’ ni yad be un ngom e bay ra guyed e n’en nrayag ni gu rin’, i Gag SOMOL, ya bay gu ngongliy ban’en ni yira ngat ngay ni fan ngom.

Exodus 23:32

Dab mu fal’eged e tha’ u thilmed nge pi girdi’ nem ara pi got rorad.

Acts 15:20

Machane ngad pi’ed e babyor nge yan ngorad, ni nga dogned ngorad ndab ra ked e ggan nde klin ni fan e kan pi’ ni maligach ko liyos nma meybil boch e girdi’ ngay; ma ngar ayuweged yad nge dab ra pired be’ ni gathi mabgol rorad; ma dab ra longuyed e gamanman nni uchuluy k’angan nge yim’, ara ra ked e racha’.

Exodus 22:20

“Ma en nra pi’ e maligach ngak yugu reb e got ni gathi SOMOL e yira thang e fan rok.

Exodus 32:8

Kar paged e n’en ni kugog ni ngar folgad riy, ya kar ranran niged e gol kar ngongliyed ya’an ba pifak e garbaw ni pumo’on riy yad be tayfan miyad be pi’ e maligach ngak. Yad be yog ni ireram e got rorad, ni gafaliyrad nga wuru’ yu Egypt.

Numbers 25:1

Nap’an ni i camp piyu Israel u lan e loway u Acacia, metabab e pumo’on nu Israel ngu’ur pired e ppin nu Moab u rom.

Deuteronomy 7:3

Dab mu mabgolgad ngorad; dab mu pi’ed pifakmed ngak pi fakrad ngar mabgolgad,

Deuteronomy 32:37

Ma aram e bayi fith SOMOL ngak e tirok e girdi’ ni nge ga’ar, ‘Bu uw fapi got ni i pagan’med ngorad?

Deuteronomy 32:38

Um duruw’iyed yad ko mam ko maligach romed, ma um pi’ed e wayin ni ngar unumed. Ere ngarbad ngar ayuweged gimed e chiney ngar milgad i yib ngar chuweged gimed u pa’ e to’ogor romed.

Joshua 23:12

Fa’anra dab mu yul’yul’gad mi gimed un nga pangin e girdi’ ko pi nam ni yad be par u fithik’med mi gimed m’ag e mabgol ngorad,

Judges 3:6

Ur mabgolgad ma yad be tay fan e pi got rorad.

1 Kronicles 5:25

Machane fapi girdi’ e da ur yul’yul’gad ngak e Got rok e pi chitamngirad kakrom miyad digey ngu ur tedfan e pi got rok e pi girdi’ nike tulufrad Got nga wuru’ fare nam.

Ezra 9:12

Rogned ngomad ndariy e ngiyal’ ni nggu mabgolgad ngak e pi girdi’ nem ma dariy e ngiyal’ ni nggu aywegedrad nge fel’ rogorad ara rman’oggad ni fa’anra gamad ba’adag ni ngu’ug pired nib felfelan’mad u lan fare nam, me par nge mang gayog rok e pi’in owchemad ni dariy n’umngin nap’an.

Exodus 22:19

“Mu thanged e pogofan rok e re mo’on ni kar pirew ba gamanman.

Deuteronomy 31:18

Ma bay gu siyeg e ngiyal’nem ni nggu ayuwegrad, ya ur ngongliyed e kireb ma yad be tayfan yugu boch e got.