Exodus 34:13 - Bible Ni Thothup

¹³ Ya thingar mu buthug e pi altar rorad, ma ga kirebnag e pi malang ni kar suwegged ngalang nib machmach ma ga th’ab nga but’ e pi pow rok Asherah ni fare got ni bpin.

Exodus 34:13 Referans Kwoze

2 Kings 18:4

I gathay fa yungi tagil’ e meybil rok e pi’in ndar nanged SOMOL, me t’ar fapi yu raba’ i malang nga but’ me th’ab nga but’ fapi liyos ni ya’an fare got ni bpin i Asherah. Miki tet’ar nge yuchiyang fare ya’an e porchoyog ni bronze ni ngongliy Moses, min tunguy Nehushtan ngay. Ma kakrom nge mada’ ko ngiyal’nem e ma urfiy e girdi’ nu Israel e pi incense ni yad be tayfan.

Exodus 23:24

Dab mu siro’gad ara mmeybilgad ara mu pigpiggad ngak e pi got rorad. Ma dab mu uned ko pi yalen e taliw rorad. Mu thirifed e pi got rorad u but’ mi gimed t’ar nga but’ e yu raba’ i malang rorad nib tabgul.

Deuteronomy 16:21

“Nap’an ni gimed ra toy ba altar ni fan ngak SOMOL ni Got romed, ma dab mu ted nga charen, ba ren ni kan toy ni pow ko fare got ni bpin ni Asherah.

Deuteronomy 7:5

Are mu buthuged e pi altar rorad, mi gimed bilbilig e pi malang ni kar ubunged ngalang kar ted nib machmach, mi gimed th’ab nga but’ e pi pow ko fare got ni bpin ni Asherah, mi gimed urfiy e pi liyos rorad.

2 Kronicles 31:1

Nga tomuren nike m’ay fare madnom ma gubin e girdi’ nu Israel nranod ngalan gubin e pi binaw nu Judah ngar bilged e yu raba’ i malang, miyad th’ab nga but’ e pi pow rok Ashera ni fare got ni bpin, miyad gathay e pi altar nge yungin tagil’ e tayfan rok e pi’in ndar nanged Got. Ma ku aram e n’en ni rrin’ed u daken yu Judah ni ga’ngin, nge fa yuyangi nug rok Benjamin, Efraim, nge Manasseh; ma aram miyad sul ni yad gubin nga taferad.

2 Kings 23:14

Me kirebnag Josiah ni Pilung fapi malang ni ka ni ubung ngalang nib tolang, me th’ab fa ley i ren ni kani suweg ni fan ko fare got ni bpin ni Asherah, me fek yilen e yam’ nge wereg nga daken e but’ ko gin’em.

Judges 6:25

Re nep’ i n’em e ga’ar SOMOL ngak, “Mu fek fare garbaw ni pumo’on ni fak e chitamam, nge ku reb e garbaw ni pumo’on ni medlip e duw yangren, ma ga buthug fare altar rok e chitamam ni toy ni fan ngak Baal, ma ga th’ab nga but’ fare pow rok Asherah ni bay u charen.

Judges 2:2

Ma thingar dab mu ngongliyed e m’ag u thilmed e girdi’ ni yad be par u daken e re nam ney. Thingar mu buthuged e pi altar rorad. Machane dawor mu rin’ed e tin gog ngomed. Ka mu rin’ed e tin ba togopluw ngay!

Judges 6:26

Ma ga toy ba altar ni bfel’ rogon i ubung u daken e chi burey ney ni fan ngak SOMOL ni Got rom. Ma ga fek e bin migid e garbaw ni pumo’on ngam urfiy ni polo’ ni maligach, ma ga fanay ni l’ud fare pow rok Asherah ni mu th’ab nga but’.”

1 Kings 14:15

Me SOMOL e bayi gechignag yu Israel, ma bayi rur yu Israel ni bod e uchel u mnalul’ ni be aw e ran ngay be rur. Bayi pug lik’ngin e girdi’ nu Israel u but’ ko re nam ney nib manigil nni pi’ ngak e pi ga’ rorad kakrom, ma bayi weregrad i yan nge pag e Lul’ ni Eufrates, ni bochan e kar k’aringed e damumuw ngak ko pi liyos nra ngongliyed ni ya’an fare got ni bpin ni Asherah.

2 Kronicles 14:3

I chuweg Asa e pi altar nu yug boch e nam nge yungi tagil’ e tayfan rok e pi’in dar nanged Got, me buthug yu ulung i malang ni yima meybil ngay, me t’ar nga but’ fapi ya’an Asherah ni fare got ni bpin.

2 Kronicles 15:16

Me chuweg Asa ni Pilung i Maakah ni titaw rok ko liw rok ni chitiningin e pilung, ni bochan e ke ngongliy ba liyos nib golong ni ya’an fare got ni bpin i Asherah. Me th’ab Asa fare got nga but’ nge theth’ab nge urfiy u lan fare loway ni Kidron fithingan.

2 Kronicles 17:6

Ma rib uf ko pigpig ni i tay ngak SOMOL me gathay gubin fa yungi tagil’ e meybil rok e pi’in ndar nanged Got nge fapi ya’an Asherah nib got ni bpin u lan yu Judah.

2 Kronicles 24:18

Ma aram me tal e girdi’ nda ku rir liyorgad ngak SOMOL u lan e Tempel rok, ni ir e Got rok e pi chitamngirad, miyad tabab i tayfan e pi liyos nge ya’an fare got ni bpin i Ashera. Pi denen ney e ir e bucheg e rorad me girengiy e damumuw rok SOMOL nga daken yu Judah nge yu Jerusalem.

2 Kronicles 33:19

Fare meybil rok fare pilung nge fulweg riy ni pi’ Got, nge babyoren e denen ni i rin’ fare pilung u m’on ni pi’ keru’ ko denen rok-kireb ni i rin’, yungi tagil’ e tayfan rok e pi’in ndar nanged Got nge pi pow rok Asherah ni fare got nib bpin ni ngongliy nge pi liyos ni i tayfan — e go’ kan yoloy ngalan e babyor ni Chepin e Profet.

Isaiah 17:8

Bay dab ku ra paged e taga’ ko pi altar ni rfel’egned nga pa’rad, ara lagan’rad ko pin’en ni yad ma chamey nga pa’rad ni bogi ya’an Asherah ni fare got ni bpin nge altar ni yima urfiy e incense riy.

Isaiah 27:9

Kemus ni ta’reb e kanawo’ nrayag ni ngan n’agfan e kireb nge denen rok yu Israel riy: Thingar ra buthuged e pi altar ni malang rok yug boch e kan ngar bilbilged nge yochyang ni bod e chalk, nge dabki par reb e altar ko incense ara reb e pow rok Asherah ni fare got ni bpin.

Jeremiah 17:2

Girdi’ rom e yad be meybil ko pi altar nge ngak fare ya’an Asherah ni kan suweg ngalang u to’oben gubin kaen e gek’iy nib galunglung nge daken p’ebgul e yochi burey

Mikah 5:14

Bay gu t’ar fa yu ley i gek’iy ni kam reg nga fithik’ e but’ u lan e nam rom ni fan ko fare got ni bpin ni Asherah, mu gu kirebnag e pi binaw rom.

Numbers 33:52

ma thingar mu tulfed gubin e girdi’ ko fare binaw. Migimed gathay urngin e liyos ni malang nge liyos ni wasay nge urngin e yung i tagil’ e meybil rorad.

Deuteronomy 16:22

Ma dab mu n’ufed ngalang ba gaf i malang ni ngu’um tedfan; ya ba fanenikay SOMOL e tinem.

2 Kings 10:27

Ere ra gathayed fa ley i duga’ nib thothup nge fare tempel, mar ted fare tempel nike mang ba kolosis — ku aram rogon ke mada’ ko daba’.