Exodus 34:1 - Bible Ni Thothup

¹ Me ga’ar SOMOL ngak Moses, “Mu th’ab l’agruw yang e malang ni bod fa gal yang nem ko som’on, mu gu yoloy fapi thin nga daken ni fa’ani immoy u daken fa gal yang nem ni kam bilig.

Exodus 34:1 Referans Kwoze

Exodus 32:19

Ma fa’ani chugur Moses ko gin yibe par riy nrayag ni nge guy fare pifak e garbaw ni pumo’on, nge girdi’ ni be churu’, mri damumuw. Ma ku rom u enggin fare burey me yin’ fa gal yang i malang ni bay u pa’ nga but’ nge pil.

Psalms 119:89

SOMOL, thin rom e dariy n’umngin nap’an; ma ba manemus u tharmiy.

Exodus 31:18

Fa’ani mu’ SOMOL ko welthin ngak Moses u daken e burey ni Sinai, me pi’ ngak fa gal yang i malang ni fa’an ni yoloy Got fapi motochiyel nga daken.

Exodus 34:28

Me par Moses rok SOMOL u rom ni aningegi ragag e rran nge nep’, ni dariy ban’en nra kay ara garbod ngay. Me yoloy nga daken fa gal yang i malang fapi thin ko fare m’ag, ni aram fare Ragag i Motochiyel.

Exodus 32:16

Ri Got e ngongliy e gali yang i malang nem me ker fapi motochiyel nga daken.

Exodus 24:12

Me ga’ar SOMOL ngak Moses, “Moy ngog nga daken e burey ngam par u roy. Ya nggu pi’ ngom fa gal yang i malang ni kug yoloy ni bay fapi motochiyel riy nge tin ngan rin’, ni kug yoloy ni nge fonownag e girdi’ nu Israel.”

Exodus 34:4

Ma aram me th’ab Moses l’agruw yang i malang ni bod fa gal yang nem ko som’on, me yan i reb e rran riy nri kadbul me yan nga daken e burey ni Sinai nike fek fa gal yang i malang, nri bod rogon nike yog SOMOL ngak ni nge rin’.

Deuteronomy 4:13

Me weliy ngomed e n’en nthingar um rin’ed mu’um ted u gil’ fare m’ag ni ngongliy u thilmed, ni aram e ngu’um folgad ko fa Ragag i Motochiyel, ni yoloy nga daken l’agruw yang i malang.

Jeremiah 36:32

Ma aram mu gu fek bang e babyor ni yima bachiy nggu pi’ ngak Baruk ni tayol rog, me yoloy ngay urngin e thin ni gog ngak. I yoloy urngin e thin ni immoy u lan fare gi babyor nsom’on, nge ku boch e thin nib chugur fan ngay.