Exodus 33:9 - Bible Ni Thothup

⁹ Ma nap’an nra yan Moses nga langgin, me yib fare gi manileng nib k’iy ngalang nge yib i rumog nga langan e mab ko fare Tent, me non SOMOL u fithik’ e gi manileng nem ngak Moses.

Exodus 33:9 Referans Kwoze

Psalms 99:7

I non ngorad u fithik’ fare gi manileng nib k’iy ngalang; miyad fol ko pi motochiyel rok nge tin ni ta’chiylen ngorad.

Exodus 31:18

Fa’ani mu’ SOMOL ko welthin ngak Moses u daken e burey ni Sinai, me pi’ ngak fa gal yang i malang ni fa’an ni yoloy Got fapi motochiyel nga daken.

Ezekiel 3:22

Mu gu thamiy rog nib gel ni bay SOMOL rog, mu gu rung’ag laman nike ga’ar ngog, “Mu sak’iy ngam man ngalan e loway, yu rom e nggu welthin ngom riy.”

Numbers 11:17

Ya bay gub nga but’ nggu welthin ngom u rom, ya bay gu fek boch e gonop ni kug pi’ ngom nggu pi’ ngorad. Miyad un ngom i ayuweg e pi girdi’ ney, me par ni gathi go’ gur e ke mil farad ngom.

Exodus 34:9

Me ga’ar, “SOMOL, fa’anra rriyul’ ni gub fel’ u wun’um, ma gu be wenig ngom ni ngam un ngomad. Pi girdi’ ney e yad ba gel’an, machane wenig ngom mu n’agfan u wun’um e denen nge kireb romad, ngam pagmad nggu manged girdi’em.”

Exodus 34:3

Dariy be’ ni nge un ngom nga daken e burey; ma dariy be’ ni ngan guy u bang u daken e re burey nem; ma dariy ba saf ara ba garbaw ni ngan pag nge kay e pan u enggin e re burey ney.”

Exodus 33:11

Ma par Moses u p’eowchen SOMOL, ma yow ma welthin SOMOL ni bod rogon ruw i fager. Ma nap’an nra sul Moses ko gin bay yu Israel riy. Ma fa’anem ni kab pagel ni ta’yuw rok Moses, ni aram Joshua nib mo’on ni fak Nun, e nge par u lan fare Tent.

Exodus 25:22

Bay gu mada’ nagmed u rom u daken upongen fare kahol, mu rom u thilin fa gali kerubim e bay gu pi’ riy ngomed urngin e motochiyel rog ni fan ngak e girdi’ nu Israel.

Genesis 18:33

Ma fa’ani mu’ ko welthin ngak Abraham, me yan SOMOL, me sul Abraham nga tafen.

Genesis 17:22

Fa’ani mu’ Got ko welthin ngak Abraham me yan.

Exodus 33:8

Ma ngiyal’ nra yan Moses ko re Tent nem, ma gubin e girdi’ ni ngar sak’iygad, nge be’ me sak’iy nga langan e mab ko birok e tent nge yaliy Moses nge mada’ ko ngiyal’ nike yan i chuw nga langgin.

Exodus 33:10

Ma nap’an nra guy urngin e girdi’ fare gi manileng nib k’iy ngalang u rom u langan e mab ko fare Tent, miyad sak’iy ngalang ngar siro’gad nra be’ ma kabay u langan e mab ko birok e tent.

Exodus 34:5

Me yib SOMOL nga but’ u fithik’ bang i manileng nge yib i sak’iy ngaram nga charen Moses. Me non Got nge yog fithingan nib thothup, ni ir fare SOMOL.

Deuteronomy 31:14

Me ga’ar SOMOL ngak Moses, “Daki n’uw nap’an ni ngam par ko biney e tamilang. Mpining Joshua ngam fek i yib ko fare Tent ko M’ag rok Got, ya nge yag ni gu weliy ngak e pin’en ni ngi i rin’.” Me yan Moses nge Joshua ko fare Tent,

Deuteronomy 31:15

me m’ug SOMOL ngorow u rom ni bangi manileng nib suwon ngalang ni bay u baraba’ i langan e mab ko fare Tent.

Numbers 7:89

Nap’an ni yan Moses ngalan fare Tent ni nge non ngak SOMOL, me rung’ag laman SOMOL ni be non ngak u daken upongen fare Kahol ko M’ag, u thilin fa gali kerubim.