Exodus 33:6 - Bible Ni Thothup

⁶ Ma aram me chuw piyu Israel ko burey nu Sinai nikuyima yog ni burey ni Horeb ngranod, ndakuriy bagayad ni tay e nunuw rok nga downgin.

Exodus 33:6 Referans Kwoze

Exodus 33:4

Ma fa’ani rung’ag e girdi’ nu Israel ni dabi un Got ngorad, miyad tabab ko meyor, ma dakuriy be’ ni tay e nunuw rok nga downgin.

Jeremiah 2:19

Kireb rom e bayi gechig nigem, ma rogon ni ka mu pi’ keru’um ngog e bayi turguy e gechig rom. Bay mu nang rogon feni gel e mo’oy nge kireb riy ni ngan pi’ keru’uy ngog, fare SOMOL ni Got rom, min par ndakunir yul’yul’ ngog. I Gag fare SOMOL ni Th’abi Tolang ma Gubin ma Rayag Rok, e kugog e pi thin ney.”

Exodus 32:3

Aram me luf gubin e girdi’ e talbuch ni gol rorad ngan fek i yib ngak Aron.

Exodus 3:1

Me reb e rran ni be chothowliy Moses e saf nge kaming ni fak Jethro ni chitamngin le’engin, me ir e prist nu Midian. Me gafaliy fa yu ran’ i gamanman ngar th’abed e ted ni desert ngarbad nga Sinai, ni fare burey rok Got nib thothup.

Exodus 33:5

Me yog SOMOL ngak Moses ni nge yog ngak fapi girdi’ ni nge ga’ar, “Gimed bogi girdi’ nib gelan’. Fa’an gu ra un ngomed ma dabi n’uw nap’an mu gu thang owchamed. Ere mu lufed e nunuw romed, mu gu leamnag ko mang e nggu rin’ ngomed.”

Exodus 33:7

Yungin ma par piyu Israel riy i yan, e ma fek Moses fare Tent nib thothup nga palog ko gin ni yad bay riy nge n’uf ngalang. Fithingan ni yima yog e Tent u p’eowchen SOMOL, mra ba’adag be’ ni nge fith ban’en ngak SOMOL me yan ngay.

Jonah 3:5

Me mich Got u wan’ e girdi’ nu Nineveh; miyad turguy ni gubin e girdi’ ni ngar paged e abich, ma urngin e girdi’ ni mus rok e en nth’abi tolang nge mada’ ngak e en nib th’abi sobut’, ni nga ron’ed e tutuw ni mad, ya ngar daged ni karkal gad ngan’rad kar pi’ed keru’rad ko kireb.