Exodus 33:5 - Bible Ni Thothup

⁵ Me yog SOMOL ngak Moses ni nge yog ngak fapi girdi’ ni nge ga’ar, “Gimed bogi girdi’ nib gelan’. Fa’an gu ra un ngomed ma dabi n’uw nap’an mu gu thang owchamed. Ere mu lufed e nunuw romed, mu gu leamnag ko mang e nggu rin’ ngomed.”

Exodus 33:5 Referans Kwoze

Numbers 16:21

“Mpaloggow rok e pi girdi’ney, ya nggu thang e pogofan rorad e chiney.”

Psalms 139:23

Got, mu guy lanin’ug ngam nang; mu sikeng nigeg ngam nang e leam rog.

Lamentations 4:6

Gechig nta’ ko girdi’ rog e ba almarin ko pi’in girdi’en yu Sodom, ni fare binaw ni gad Got pa’ ngay nge pil nib tomgin.

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Psalms 73:19

Nthang owcherad u lan ta’ab talab; wenegan ni yib ngorad ko tomur e gafgow nib gel!

BABYOR NI JOB 34:20

Rayag ni nge yim’ be’ nib tomgin nnep’. Got e ma gad pa’ ko girdi’ ngarm’ad; de mom’aw ngak ni nge thang e fan rok e pi madangdang.

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

Genesis 22:12

Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”

Genesis 18:21

Thingar gu wan ngaram nga p’ening ngug guy ko tin kanog ngog nib togopluw ngorad e riyul’ fa de riyul’. Bay gu wan mu gu nang.”

Acts 7:51

“Ri gimed ba gelan’! Lanin’med e bod laniyan’ e pi’in ndawor ra nanged Got, ma kam ninged telmed ni nge dab mu rung’aged e thin rok Got nike pi’ ni nganib nog ngomed. Ri gimed bod rogon pi chitamangimed: ku errogon gimed ni kafram i yib ni gubin ngiyal’ ma gimed be togopluw ngak fare Kan Nthothup!

Exodus 32:9

Moses, ku gguy feni gelan’ e pi girdi’ ney.

Exodus 33:6

Ma aram me chuw piyu Israel ko burey nu Sinai nikuyima yog ni burey ni Horeb ngranod, ndakuriy bagayad ni tay e nunuw rok nga downgin.

Isaiah 48:4

Gumnang ni bay um pired ni gimed ba gel’an, ni bod feni el e wasay ma dab m’inggad ni bod e bronze:

Joel 2:12

Me ga’ar SOMOL, ’Mus ko chiney nrayag ni ngan kalngan’uy ngan pi’ keru’uy ko kireb ni yibe ngongliy ngan sul ngog, ni kan pag e abich ma yibe yor ma yibe dololoy’.