Exodus 33:22 - Bible Ni Thothup

²² Ma nap’an nra yib ram’eg nib muluplup ni nge yan u charem, mu gu tem ngalan magufen e war, mu gu upunguy pa’ag ngom nge mada’ ko ngiyal’ ni kug thumur u charem.

Exodus 33:22 Referans Kwoze

Psalms 91:1

En nra yan ngak SOMOL ni nge dabi buch ban’en rok, en be par u tanggin gelngin e ayuw rok e En ni Gubin ma Rayag Rok,

Isaiah 2:21

Ngiyal’ nra yib SOMOL ni nge rurug e fayleng, ma girdi’ e bay ra mithgad ngalan e pi yiy ko yochi burey ni go’ war ni yad be guy rogon ni ngar milgad ko damumuw rok miyad mith u gelngin nge feni maluplup’.

Psalms 91:4

Ra upunguyem nga pon; ga ra par u tan pa’ ni dabi buch ban’en rom; feni yul’yul’ e ra yororiyem me n’ufegem.

1 Korinth 10:4

ma yad gubin nra unumed fare ran ni yib ko fare war ni pi’ Got ni fa’an i un ngorad i yan, nre war nem e aram Kristus.

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

2 Korinth 5:19

Gamad be machibnag ni Got e be m’ag e tafager ngak urngin e girdi’ u daken Kristus. I Got e daki tay u wan’ e denen rorad, ma ke pi’ e thin riy ngomad ngarogon nra ngongliyrad ngar manged pi tafager rok.

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Tang Ko Pitang 2:3

Bod rogon bake arfath u fithik’ e gek’iy u loway, aram rogon e an gamow ni yira ta’rebnag ko pi pumo’on. Adagen an’ug ni ngu par nga taglul’en, ma wom’ngin e ba athibthib u langag.

Deuteronomy 33:12

Me yog murung’agen e ganong rok Benjamin ni ga’ar: “Irera’ fare ganong nib t’uf rok SOMOL ma be yoror rok; gubin e rran ni yad be par u p’eowchen ni ir e kemang manaf rorad.”

1 Kings 19:9

Me yan ngalan ba yiy u rom nge par riy e re nep’ nem. Me gin nike ga’ar SOMOL ngak, “Elijah, mang e ga be rin’ u roy?”

Isaiah 49:2

Me gagiyegnag e thin rog nge bod feni m’uth ba saydon; me yororiyeg nga pa’. Me ngongliyeg ni gu bod ba gan e gat’ing nib m’uth nrayag ni ngan maruwel ngay.

Isaiah 51:16

Gu fileth lanelang mu gu ayliy deaf ko fayleng; gu be ga’ar ngak Jerusalem, ‘Gimed e girdi’ rog! Kug pi’ ngomed e thin rog, ma gu ma yororiy pa’ag ngomed.’”