Exodus 33:21 - Bible Ni Thothup

²¹ machane ba’aray bang u to’obeg nrayag ni ngam sak’iy riy u daken ba war.

Exodus 33:21 Referans Kwoze

Zekariah 3:7

fare SOMOL ni Gubin ma Rayag Rok e ke ga’ar: “Fa’an ga ra fol ko pi motochiyel rog mag rin’ e pi maruwel ni kug pag gafalngin ngom, ma aram e bay ku’um pigpig u lan e Tempel rog ngu lan e pi yoror riy, ma bay ug rung’ag e pi meybil rom, nri bod rogon ni gu ma rung’ag e pi meybil rok e pi engel ni yad bay rog.

Isaiah 56:5

ma aram e fithingam e ra magach u wun’uy u lan e Tempel rog ngu fithik’ e girdi’ rog nib n’uw nap’an ko bitir ni ngam fakay. Ma gur e dab ni pag talinnem bi’id.”

Joshua 20:4

Rayag ni nge mil nge yan nga reb e pi binaw ney, nge yan nga tagil’ e pufthin riy u langan e garog ko fare binaw, nge weliy e tin nike buch rok ngak e pi tayugang’. Ma aram miyad ra pag nge yan ngalan fare binaw miyad pi’ bang ngak ni nge par riy, ya nge yag ni nge par u rom.

Deuteronomy 5:31

Machane, gur Moses e ngam par rog u roy, ma bay gu pi’ urngin e pi motochiyel rog ngom, nge urngin e tin kug taychilen. Mu fil e pin’ey ngak e girdi’, ya nge yag ni ngu’ur folgad riy u lan fare nam ni bay gu pi’ ngar tafned.’

Luke 15:1

Bay ba ngiyal’ ni bo’or e pi tamukun tax nge pi’in ndabuy dakenrad u lan binaw nrabad ni ngar motoyilgad ko thin ni be yog Jesus.

1 Kings 19:9

Me yan ngalan ba yiy u rom nge par riy e re nep’ nem. Me gin nike ga’ar SOMOL ngak, “Elijah, mang e ga be rin’ u roy?”

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 18:46

I SOMOL e bay nib fos! Ke sorok e en ni ta’ayuw rog. Mu weliyed murung’agen feni sorok fare Got ni ayuwegneg.

Psalms 27:5

Ra taw e oloboch ngog ma ir e manaf rog; me teg u lan e Tempel rok ni dabi buch ban’en rog, me teg nga daken ba war nib tolang ko gin ndariy ban’en nra buch rog riy.

Psalms 61:2

Gu be piningem nike m’ath e liyab rog, ma gub palog u tabnaw. Mu fekeg ngabang ni dabi buch ban’en rog riy,

Psalms 62:7

I Got e ir e ke ayuwegneg ma ke gagiyegnag kan tayfag; Ir fare yoror rog nib gel; ma ir e manaf rog.