Exodus 33:2 - Bible Ni Thothup

² Ma bay gu l’oeg ba engel ngi i m’on romed; ma bay gu tuluf e girdi’ ni Kanaan, nge piyu Hitt, nge piyu Amor, nge piyu Hiv nge piyu Jebus ngar chuwgad.

Exodus 33:2 Referans Kwoze

Joshua 24:11

Mi gimed th’ab e lul’ ni Jordan nga barba’ ngambad nga Jeriko. Me mael piyu Jeriko ngomed, ma ku aram e n’en ni rin’ e pi Amorite ngomed, nge Perizzite, nge Kanaanite, nge Hittite, nge Girgashite, nge Hivite, nge Jebusite. Mu gu gagiyegnag ngam gelgad ngorad.

Exodus 32:34

Mman e chiney, ngam gafaliy yu Israel ko gin ni kugog murung’agen ngom. Dab mu pag talin ni engel rog e bay i pow’iyem, machane bay bingiyal’ ni bayi taw ngay ni nggu gechignag e pi girdi’ ney ni bochan e denen ni kar ngongliyed.”

Exodus 23:20

“Bay gu l’oeg ba engel nge m’on romed ni ngi i yororiymed nnap’an ni gimed be milekag ma nge fekmed i yan ko fa gin kug fal’eg rogon.

Deuteronomy 7:22

I SOMOL ni Got romed e bay i chuweg girdi’en e pi nam u m’on romed ni be boech-mboechnag; gathi bay mu thanged owcherad ta’ab yay, ya ra yo’or e gamanman ni malboch ngar gafgow niged gimed.

Exodus 34:11

Um fol ko fapi motochiyel ni bay gu pi’ ngom e daba’. Bay gu m’on rom nggu tuluf piyu Amor, nge piyu Kanaan, nge piyu Hitt, nge piyu Perez, nge piyu Hiv nge piyu Jebus ngar chuwgad.

Exodus 3:17

Ma kug turguy ni nggu fekrad nga wuru’ yu Egypt, ni ireram e gin yibe gafgow nagrad riy, nggu fekrad nga ba nam nib madnom ma ba yong’ol e but’ riy — ni fare nam rok yu Kanaan, ngu Hitt, ngu Amor, ngu Periz, ngu Hiv, nge yu Jebus.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

Exodus 33:12

I ga’ar Moses ngak SOMOL, “Riyul’ ni kamog ngog ni ngug gafaliy e girdi’ nu Israel ko fare nam, machane da mog ngog e en ni bay mpi’ nge un ngog. Kamog ni ga manangeg ni bfel’ rogon ma gub fel’ u wun’um.

Exodus 34:24

Ma tomuren ni kug tuluf girdi’en e pi nam ni yad bay ko gin ni ga be sor ngay mu gu ga’nag e gin ngam tafnay, ma dariy be’ nra guy rogon ni nge kol e nam rom ko ngiyal’ ni ba’aram nra reb e duw ma dalip yay ni nga mub nga p’eowcheg i Gag SOMOL ni Got rom.

Joshua 3:10

Daba’ e bay mu nanged ni fare Got ni be par nib fos e bay romed; nap’an ni bay mmarod i yan nga m’on ma ir e bayi tuluf piyu Kanaan ngar chuwgad, nge fapi girdi’ ni kanog e Hittite ngorad, nge Hivite, nge Perizzite, nge Girgashite, nge Amorite, nge Jebusite.

Zekariah 12:8

Rofen nem e bayi yoror SOMOL rok e pi’in yad ma par u Jerusalem, mus ko pi’in ntha’bi me’waer u fithik’rad ma bay ra gelgad ni bod David ni immoy. Pi’in owchen David e bay ra gafaliyed yad ni bod ba engel rok Got, ma bod Got.

Genesis 15:21

nge Amorite, nge Kanaanite, nge Girgashite, nge Jebusite.”

Genesis 24:7

I SOMOL, ni ir e Got nu tharmiy, e ir e fekeg u tabinaw rok e chitamag nge nam rok pi girdi’eg, me micheg ngog ni bayi pi’ e re nam ney ngak e pi’in bayib ni owcheg. I ir e bayi pi’ e engel rok nge m’on rom nge yag ni mfek be’ ni bpin u rom nge le’engiy fakag.

Judges 6:9

Gu lagmed u pa’ yu Egypt nge pi’in ur chamgad ngomed u roy. U gu tulufrad ngar chuwgad ma gimed be yan nga m’on, mu gu pi’ taferad ngomed.

1 Kronicles 1:14

Me Kanaan e ku ir e chitamngin e girdi’ nu Jebus, Amor, Girgash,