Exodus 33:17 - Bible Ni Thothup

¹⁷ Me ga’ar SOMOL ngak Moses, “Bay gu rin’ ni bod ni kamog, ya gu manangem ni bfel’ rogon ma gab fel’ u wun’ug.”

Exodus 33:17 Referans Kwoze

Isaiah 65:24

Ra dawor ra mu’gad ko meybil ngog, mu gu fulweg taban e meybil rorad.

Exodus 33:12

I ga’ar Moses ngak SOMOL, “Riyul’ ni kamog ngog ni ngug gafaliy e girdi’ nu Israel ko fare nam, machane da mog ngog e en ni bay mpi’ nge un ngog. Kamog ni ga manangeg ni bfel’ rogon ma gub fel’ u wun’um.

Genesis 19:21

Me fulweg ni ga’ar, “Bfel’ u wun’ug e bug nir e thin; dab gu kirebnag e binem e binaw.

James 5:16

Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.

John 16:23

“Ra taw ko chirofen nem ma dakuriy ban’en ni bay mfithed ngog. Nggog e tin riyul’ ngomed: tin ni gimed ra ning ngak e en ni Chitamangiy u fithingag e ra pi’ ngomed.

Genesis 6:8

Machane SOMOL e bfel’ Noah u wan’.

Genesis 19:19

Mu telim, ri ba ga’ ba ayuw ni kam pi’ ngog; kammagaer ni kam ayuweg e pogofan rog. Machane pi burey e ri kab mal’af; ra dawor gu taw ngaram me taw e re riya’ nir ngog, nggum’ ni dawor gu taw ngaram.

Genesis 18:32

Me ga’ar Abraham, “SOMOL, wenig ngom, dab mu puwan’, ya ngkug non ta’ab yay. Ma fa’anra kemus ni ragag e ga ra pir’eg?” Me ga’ar, “Fa’anra bay ragag ma dab gu kirebnag.”

Isaiah 45:3

Bay gu pi’ ngom e pin’en ni bfel’ nib mith u senggil ndariy e tamilang riy; ma aram e bay mu nang ni Gag e SOMOL, mi Gag fare Got nu Israel e ku gu mel’egem.

Deuteronomy 9:19

Ya gu rus ko damumuw rok SOMOL nib gel, ni bochane e kri damumuw ni be chugur ni nge thang owchamed, ma aram miki motoyil SOMOL ngog bayay ko tin gu wenignag ngak.