Exodus 33:16 - Bible Ni Thothup

¹⁶ Ra di’in me nang be’ ni bfel’ u wun’um e girdi’ rom nge gag ni fa’anra dab mu un ngomad ngdarod? Ra gabay romad mra gagyelnag ni gamad ba thil ko girdi’ nu fayleng.”

Exodus 33:16 Referans Kwoze

Deuteronomy 4:7

“Dariy reb e nam ngabang, ndemturug feni sorok nma chichir e birok e kan ngak ni bod rogon SOMOL ni Got rodad nma chichir ngodad ko ngiyal’ ni gadad ra wenig ngak ni nge ayuwegdad.

Numbers 14:14

ma yad ra weliy ngak e girdi’ ni be par ko re nam ney. Ya girdi’ ko re nam ney e kar rung’aged ni gur SOMOL e ga bay romad, ni ga ma m’ug ngomad ko ngiyal’ nra yib i tal fa gi manileng rom u puluwmad ngalang, ma ga m’on romad ni ga bay u fithik’ bang i manileng nib k’iy ngalang ni rran, ma nep’ e ba nifiy nib k’iy ngalang.

1 Kings 8:53

Gur e mmel’egrad u fithik’ girdi’en urngin e nam ni yad e ngar manged tirom e girdi’, ni bod ni mog ngorad u l’ugun e tapigpig rom i Moses ko ngiyal’ ni mfek pi chitamangimad ni kakrom nga wuru’ yu Egypt.”

Matthew 1:23

“Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak” (ni fan e re ngachal nem e, “Bay Got rodad”).

Exodus 34:10

Me ga’ar SOMOL ngak Moses, “Bay gu ngongliy ba m’ag u thilig nge girdi’ nu Israel. Bay gu ngongliy e maang’ang u p’eowcherad ndawor ni ngongliy u fithik’ girdi’en reb e nam u faileng. Urngin e girdi’ ni yad be un ngom e bay ra guyed e n’en nrayag ni gu rin’, i Gag SOMOL, ya bay gu ngongliy ban’en ni yira ngat ngay ni fan ngom.

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

2 Samuel 7:23

Dakuriy reb e nam ngabang u fayleng ni bod e yu Israel, ni gur e mu lufrad ko sib ngam mang nagrad girdi’ rom. Pin’en ni ba sorom riy nge pi ma’ang’ag ni mu rin’ ngorad e wear murung’agem riy u roy u fayleng. I gur e mu tuluf e pi nam nge pi got rorad u nap’an ni be yan e girdi’ rom i yan nga m’on, fapi girdi’ ni gur e mu pithigrad u Egypt ni ngar manged girdi rom.

Exodus 8:22

Rofen nem e bay gu tay e nug nu Goshen, ni gin be par e girdi’ rog riy, nge par ni dariy e lal riy, ni fan e ngam nang ni gag SOMOL e gu be maruwel u daken e re nam ney.

Psalms 147:20

De rin’ e ran’ey ni fan ngak yug boch e nam; ni dar nanged e motochiyel rok. Ke sorok SOMOL!

Deuteronomy 4:34

Ka’ e yigi yan reb e got i fek e girdi’ u reb e nam ngar manged girdi’ rok, ni bod ni rin’ SOMOL ni Got romed ngomed u lan e nam nu Egypt? U p’eowchemed e maruwel Got riy nga gelngin nib gel nge yib e gafgow nge mael, me ngongliy e maang’ang nge tin yira ngat ngay, me k’aring boch ban’en nge yib ni ba gel e marus riy.

Numbers 23:9

Kug par u p’ebugul e war kug guyrad; kug par u daken e burey kug yaliyrad. Yad girdi’en ba nam ni yad be par ni go’ yad; yad manang nike fal’eg Got wa’athrad nib thil nga yugu boch e nam.

Levitikus 20:24

Machane re nam nem nib yong’ol ma ba madnom e kug micheg ni bay mu tafnayed, e bay gu pi’ ngomed. I Gag SOMOL ni Got romed, e kug faelmed nga bang u fithik’ e pi nam.

Levitikus 20:26

Ngam pired ni gimed ba thothup ni kemus ni Gag e bmil famed ngog, ni bochan e Gag SOMOL e gub thothup. Kug faelmed nga bang u fithik’ gubin e pi nam ya kemus ni Gag e nge milfamed ngog.

Exodus 34:9

Me ga’ar, “SOMOL, fa’anra rriyul’ ni gub fel’ u wun’um, ma gu be wenig ngom ni ngam un ngomad. Pi girdi’ ney e yad ba gel’an, machane wenig ngom mu n’agfan u wun’um e denen nge kireb romad, ngam pagmad nggu manged girdi’em.”