Exodus 33:1 - Bible Ni Thothup

¹ Me ga’ar SOMOL ngak Moses, “Mu chuw u roy ngam man, me un fapi girdi’ ngom ni gur e mu fekrad nga wuru’ yu Egypt, ngam marod ko fare nam ni gu micheg ni gu ra pi’ ngak Abraham, Isak, nge Jakob nge pi’in owcharad.

Exodus 33:1 Referans Kwoze

Genesis 12:7

Me m’ug SOMOL ngak Abram me ga’ar ngak, “Irera’ fare nam ni bay gu pi’ ngak e pi’in ni owchem.” Me ubung Abram ba altar u rom ni fan ngak SOMOL nike yib i m’ug ngak.

Exodus 32:13

Mu leamnag fapi tapigpig rom i Abraham, Isak, nge Jakob. Mu leamnag fare michmich ni mu tay ngorad ni bay mu pi’ ngorad e pi’in owcharad ni bod feni yo’or e t’uf u lanelang, ma bay mu pi’ ngak e pi’in owcherad e re nam ney ni ga’ngin ni ngar tafned ni dariy n’umngin nap’an.”

Exodus 32:7

Me ga’ar SOMOL ngak Moses, “Mu gur nigem ngam sul nga p’ening, ya piyu Israel, ni girdi’ rom, ni gur e mu gafaliyrad nga wuru’ yu Egypt e kar denengad kar pi’ed keru’rad ngog.

Genesis 26:3

Mu par u roy ni ga ba milekag, ma bay gupar rom, mug fal’eg wa’atham. Nggu pi’ ngom nge pi’in ni bayib ni owchem ga’ngin e re gi but’ ney. Bay gu tay u gil’ e n’en ni kug michegew Abraham ni chitamam.

Exodus 32:34

Mman e chiney, ngam gafaliy yu Israel ko gin ni kugog murung’agen ngom. Dab mu pag talin ni engel rog e bay i pow’iyem, machane bay bingiyal’ ni bayi taw ngay ni nggu gechignag e pi girdi’ ney ni bochan e denen ni kar ngongliyed.”

Exodus 32:1

Fa’ani guy e girdi’ nike par Moses u daken fare burey nike n’uw nap’an ma dawori yib nga but’, miyad mu’ulung nga to’oben Aron me lungurad ngak, “Da’an da nanged e n’en nike buch rok Moses, ni ir e gafaliydad nga wuru’ yu Egypt; ere mu ngongliy reb e got ngomad nge mang ir e gafaliymad.”

Exodus 17:3

Machane kari gel e belel ngak e girdi’, mu ur gun’gun’ niged Moses. I lungurad ngak, “Mangfan ni mfekmad nga wuru’ yu Egypt? Bochan e ngam li’mad nriyul’ ko belel, nge pifakmad, nge gamanman romad?”

Genesis 15:18

Chirofen nem e ngongliy SOMOL reb e m’ag u thilrow Abram, ni ga’ar, “Nggog ngom ni bay gu pi’ e re nam ney ni ga’ngin ngak e pi’in owchem, ni mus ko fare lul’ ni bay ko mathil u Egypt nge yan i mada’ ko fare lul’ ni ba ga’ ni Eufrates fithingan,

Acts 7:36

nge fek e girdi’ nu Israel nga wuru’ yu Egypt, mi i ngongliy e maang’ang nge bogi n’en ni un ngat ngay u lan yu Egypt ngu lan fa gi day ni Red Sea, ngu daken e ted ni aningeg i ragag e duw.

Genesis 26:1

I yib reb e uyngol ko re binaw nem nga tomuren e bin ni yib nsom’on nnap’an Abraham. Me yan Isak ngak Abimelek, ni pilung ko Filistine, u Gerar.

Genesis 28:10

Me chuw Jakob u Beersheba nge yan nga Haran.

Levitikus 20:24

Machane re nam nem nib yong’ol ma ba madnom e kug micheg ni bay mu tafnayed, e bay gu pi’ ngomed. I Gag SOMOL ni Got romed, e kug faelmed nga bang u fithik’ e pi nam.

Numbers 11:12

Gathi gag e gu sunumegrad ara gu gargelegrad! Ere mang ni kamog ngog ni nggu dinobiyrad ni bod be’ ni bpin ni be tathuthnag pifak mu gu fekrad i yan ko fare nam ni gur e mmicheg ngak pi chitamangirad ni kakrom ni bay mpi’ ngorad?

Deuteronomy 1:8

Irera’ fare nam ni gag SOMOL e gu micheg ngak pi chitamangimed kakrom, ni aram Abraham, nge Isak nge Jakob, nge ngak e pi’in owcherad. Marod ngam pired ngay.’”

Genesis 50:24

Me ga’ar ngak pi walagen ni pumo’on, “Ke chugur ni bay gum’, machane Got e rib muduwgil ni bay i ayuwegmed, me fekmed nga wuru’ e re nam ney me pow’iymed ko fare nam ni fa’ani micheg ngak Abraham nge Isak nge Jakob ni bayi pi’ ngorad.”